මේ දිනවල රටේ විවිධ ප්‍රදේශවල ඉහළ අහසේ දක්නට ලැබුණු බවට වාර්තා වෙන ආලෝකවත් ආකාශ
වස්තු පිටසක්වළ තර්ජනයක් වීමට ඉඩක් නැති බවත් මේ සිදුවීම් අහසට යවා ඇති ආගන්තුක
දේවල් හා උල්කාපාත කඩාවැටීම් නිසා දක්නට ලැබෙන සිදුවීම් බවත් කොළඹ විශ්ව විද්‍යාලයේ
භෞතික විද්‍යා මහාචාර්ය චන්දන ජයරත්න මහතා පවසයි.
මේ පිළිබඳව අනවශ්‍ය බියක් ඇති
නොකරගත යුතු බවත් ඔහු කීය.
මොරටුව ආතර් සී. ක්ලාක් මධ්‍යස්ථානයේ තාරකා යෙදවුම් පිළිබඳ උපදේශක වන මහාචාර්ය
ජයරත්න තවදුරටත් පවසන පරිදි මේ සිදුවීම් මීට පෙරත් වාර්තා වී තිබේ.
ලෝකයේ විවිධ
ප්‍රදේශවලදීත් මෙවැනි දේ දක්නට ලැබී ඇත. එසේ වුවත් පිටසක්වල යානයක් මෙලෙස ආලෝක
වස්තුවක් ලෙස දර්ශනය වීමට ඉඩක් නැති බවත් ඒ පිළිබඳව තවදුරටත් පර්යේෂණ කරන බවත් ඒ
සඳහා කණ්ඩායමේ දෙකක් යොදවා ඇති බවත් මහාචාර්යවරයා පවසයි.
0 comments:
Post a Comment