මහනුවර දළදා මාලිගාව හා සිව්දේවාල ආසන්නයේ නගරයේ ඇති මත්පැන් හල් නගරයෙන්
ඉවත් කිරීමට නගර සභා රැස්වීමේ දී නාගරික මන්ත්‍රී ආනන්ද සරත් කුමාර (එජනිස) මහතා
යෝජනාවක් ඉදිරිපත් කර ඇත.
මේ මත්පැන් හල් ඉවත් කළ යුතු බවට මහනායක හිමිවරු ප්‍රමුඛ මහා සංඝරත්නය ද
ඉල්ලීම් කර ඇති නිසා නගරාධිපති ඇතුළු සියලුම නාගරික මන්ත්‍රීවරුන්ගේ සහාය මත
මේ යෝජනාව සම්මත වනු ඇතැයි මන්ත්‍රීවරයා පැවසීය.
මුදල් ගෙවා නැති ත්‍රිරෝද රථ නගරයෙන් ඉවත් කිරීමට ද ත්‍රිරෝද රථ නැවැත්වීම සඳහා
විශේෂ ස්ථාන පමණක් සකසා දීමට ද පියවර ගෙන ඇත.
නගරයේ පදික වේදිකාවල එළවලු, පලතුරු සහ වෙනත් භාණ්ඩ අලෙවි කරමින් ජනතාවට
හිරිහැර වනසේ වෙළඳාමේ යෙදෙන අය එම ස්ථාවලින් ඉවත් කර ඔවුන් සඳහා නාගරික රථගාලේ
උඩ වෙළඳ කුටි ඉදිකර ඉන් සුළු වාර්ෂික කුලියකට වෙළඳුන්ට ලබාදීමට ද කටයුතු කර
ඇත.
නගරයේ තැන තැන ඇති ඉතා පරණ විශාල මාරගස් ජනතා ජීවිතවලට හානි කර නිසා ඒවා කපා
ඉවත් කර ඒ වෙනුවට වඩා උස නොයන අලංකාර ගස් වර්ග රෝපණය කිරීමට නියමිතය.
0 comments:
Post a Comment