මහනුවර යටිනුවර ඩිපෝවට අයත් ශ්‍රී ලංගම බස් රියක් ත්‍රිරෝද රථයකින් මඟ
හරස්කර නවතා එහි කොන්දොස්තරට සහ රියැදුරුට පහර දී රු.22,500ක මුදලක්
පැහැරගෙන ගිය අටදෙනකුගෙන් යුත් කොල්ල කල්ලියක් අත්අඩංගුවට ගැනීමට
මහනුවර පොලිසිය මෙහෙයුමක් අරඹා ඇත.
පසුගියදා මහනුවර ගැටඹේදී ත්‍රිරෝද රිය මේ බස් රථයේ ගැටීම නිසා ඇතිවූ ආරවුලක්
නිසා ත්‍රිරෝද රථයේ රියැදුරා මහනුවර දෙසට ධාවනය වෙමින් තිබු බස් රථය ලුහු බැඳ
ගොස් මෙසේ පහර දී ඇත. ඒ අතර ත්‍රිරෝද රථ රියැදුරු සමඟ සිටි තව පිරිසක් මුදල්
කොල්ලකා පලාගොස් ඇත.
සිද්ධියට අදාළ ත්‍රිරෝද රිය හා රියැදුරු පොලිස් අත්අඩංගුවට ගෙන ඇති අතර සෙසු 8
දෙනා කොටුකර ගැනීමට මහනුවර ජ්‍යෙෂ්ඨ නියෝජ්‍ය පොලිස්පති එච්. එන්. බී.
අඹන්වලගේ උපදෙස් මත ජ්‍යෙෂ්ඨ පොලිස් අධිකාරි ගාමිණි ඇල්ලේපොළ විසින්
කණ්ඩායමක් යොදවා ඇත.
0 comments:
Post a Comment