හෝමාගම සමුපකාර සමිතිය පසුගිය වසරේදී ග්‍රාමීය බැංකු අංශයෙන් රුපියල් ලක්ෂ
එක්දහස් හතළිහක ආදායමක් ලබා ඉන් රුපියල් ලක්ෂ හාරසිය විසිහයක ශුද්ධ
ලාභයක් ලබාගත් බව සමිතියේ සාමාන්‍යාධිකාරිනි තිලකා කස්ත්‍රිආරච්චි
මහත්මිය පැවැසුවාය.
මෙම ලාභයට අමතරව සමිතිය රුපියල් ලක්ෂ පන්දහස් එකසිය
හැටතුනක මුදලක් උකස් හා විවිධ ණය දීම සිදුකර ණය පොළිය වශයෙන් (2012) රුපියල්
ලක්ෂ හත්සිය දාහතක මුදලක්් ලැබී ඇතැයි සාමාන්‍යාධිකාරිනිය පැවැසීය.
සමිතියට අයත් හෝමාගම (නගරය), කොට්ටාව, කොට්ටාව (උතුර), කොට්ටාව (විද්‍යාල
හන්දිය), පොල්ගස්ඕවිට, මත්තේගොඩ, මීගොඩ, දාම්පේ, හබරකඩ, ආටිගල, ජල්තර,
නැ/හොරගල, බ/හොරගල, රුක්මල්ගම, හිරිපිටිය, පිටිපන, කිරිවත්තුඩුව,
කිරිවත්තුඩුව (විශේෂ ශාඛාව), කහතුඩුව, කහතුඩුව (නැඟෙනහිර), සිද්ධමුල්ල,
නාවලමුල්ල, ලියන්වල, පාදුක්ක (පොරේගෙදර) හා වටරැක යන ප්‍රදේශවල ග්‍රාමීය
බැංකු පිහිටුවා ඇති අතර මෙම බැංකු ජාලය වාණිජ බැංකු තත්ත්වයට පත්කර
ගනුදෙනුකරුවන්ට ඒ. ටී. එම්. කාඩ්පත් මගින් මුදල් ගැනීමට පහසුකම් යෙදවීමට
සැලැසුම් සකස් කර ඇතැයි කස්ත්‍රිආරච්චි මහත්මිය වැඩිදුරටත් පැවසීය.
0 comments:
Post a Comment