ඇමැතිවරුන්ගේ
පුතාලා ගැන වෙනම වංශ කතාවක්‌ ලිවීමට තරමේ සිද්ධි මෑත කාලයේ
ශ්‍රී ලංකාවෙන් හමු වී තිබේ. ඒ අතරට අලුතෙන්ම එක්‌ වී තිබෙන්නේ
සෞඛ්‍ය අමාත්‍ය මෛත්‍රිපාල සිරිසේන මහතාගේ පුත්‍රයා ය. පසුගිය
ඉරිදා ඇති වූ මෙම සිද්ධිය, කතා කිහිපයක්‌ ලෙස මේ වන විට
ප්‍රචලිතව තිබේ. ඇත්ත සිද්ධිය දන්නේ ගැටුම ඇතිකරගත් දෙපාර්ශ්වය
වුවත් ඔවුන් විසින් එය විකෘති කරමින්, හැඩ දමමින් කරන කටයුතු
අනුව දැන් මේ ගැන කතා දහයක්‌ පමණ ගොඩනැගී තිබේ.
සැකෙවින් ගතහොත් මෙම ගැටුම මිනිත්තු හතරක කාලයක්‌ පුරා විහිදී යන්නකි. ඒ මිනිත්තු හතර විසින් කර තිබෙන හානිය ගුටිඇන ගැනීමකට වඩා දුර ගොස්‌ තිබේ. සෞඛ්‍ය අමාත්‍යවරයා විසින් මාධ්‍ය ඉදිරියේ ප්‍රකාශ කර තිබුණේ තමා ඝාතනය කිරීමටත් තමා අප්‍රසාදයට පත් කිරීමටත් මාධ්‍ය කටයුතු කරමින් තිබෙන බවය.
ඇති වූ සිද්ධිය නිරවුල් ලෙස කතාන්දරයක්‌ සේ කීම ද අපහසු කටයුත්තක්‌ වී තිබෙන්නේ එක්‌ කතාවකට විරුද්ධව අනෙක්‌ පිරිස තවත් කතාවක්‌ කියනා බැවිනි. සැකෙවින් ගතහොත් සිද්ධිය මෙසේය.
විසි හැවිරිදි දහම් තාරක සිරිසේන, සිය මිතුරන් දොළොස්‌ දෙනකු සමඟ පාසිකුඩා මුහුදු තීරයේ විනෝද වෙමින් සිට ඇත. ඒ ආසන්නයේම අසේල වෛද්‍යාලංකාර සිය බිරිඳ හා මිතුරියක්‌ සමඟ මුහුදු තීරයේ පහස විඳ ගනිමින් සිටියෝය.
එක්‌ කතාවක්‌ අනුව ගැටුමට මුල් වන්නේ දහම්ගේ පිරිසෙන් කෙනකු අශෝභනාකාරයෙන් අසේලගේ බිරිඳ අසල ඡායාරූප ගනිමින් සිටීමය. තවත් කතාවක්‌ අනුව අසේලගේ බිරිඳ ඡායාරූපගත කිරීමට අනෙක්‌ පිරිස කටයුතු කරමින් තිබී ඇත. අනෙක්‌ කතාව අනුව තාරකගේ මිතුරන් සාමාන්‍ය පරිදි ඡායාරූප ගත්තා මිස එවැනි අවුල් සහගත කටයුත්තක යෙදුණේ නැත.
අසේල වෛද්‍යාලංකාර යනු මඩකලපුව ප්‍රදේශය භාර නියෝජ්‍ය පොලිස්‌පති රවී වෛද්‍යාලංකාරගේ පුතාය. දහම් සිරිසේනගේ පියා වන්නේ අමාත්‍ය මෛත්‍රීපාල සිරිසේනය. (කතා කිහිපයක්‌ නැත්තේ මේ ගැන පමණය.) ඉන් පසුව දිග හැරෙන්නේ ත්‍රාසජනක ජවනිකාවය. අසභ්‍ය ලෙස තම බිරිඳ ඉදිරියේ ඡායාරූප ගැනීම ගැන කෝප වූ වෛද්‍යාලංකාර, දහම් ඇතුළු මිතුරන් පිරිස අසලට ගොස්‌ ඒ ගැන කෝපයෙන් කතා කර තිබේ. එවැනි කටයුත්තක්‌ නොකළ බවට දහම්ගේ පාර්ශ්වයෙන් ලැබුණු පිළිතුර බාර නොගත් වෛද්‍යාලංකාර විසින් එසේ නම් කැමරාව ලබා දෙන ලෙස බලකර තිබේ. "එහෙම කැමරාව දෙන්නේ මොකටද. අපේ කැමරාව ගන්න තමුසෙ කව්ද?" යන 'තැටිය' රත්වෙන ප්‍රශ්නය දහම්ගේ පාර්ශ්වය අසන්නේ මෙතැනදීය. වෛද්‍යාලංකාරගේ පිළිතුර වන්නේ කැමරාව උදුරා ගැනීමය. ඒ සමගම දහම්ගේ මිතුරු පිරිස හා වෛද්‍යාලංකාර අතර ගැටුම නිර්මාණය වේ.
තමා පළාතේ ඩී.අයි.ජී. ගේ පුතා බවට වෛද්‍යාලංකාර පැවසූ බවත්, තමා මෛත්‍රිපාල සිරිසේනගේ පුතා බව දහම් පැවසූ බවත් මෙහි දෙබස්‌ ලෙස සමහර කතාවලදී එකතු වී තිබේ. කෙසේ හෝ අවසානයේ වෛද්‍යාලංකාර රෝහල් ගත වූ අතර දහම් හා මිතුරන් පොලිස්‌ භාරයට පත් වේ. (ඒ ගැන ද කතා කිහිපයක්‌ නැත.)
දිනකට පසුව මාධ්‍ය වෙත මෙම තොරතුරු ගලා ආ අතර එතැනදී තව තවත් කතා නිර්මාණය වී ප්‍රසිද්ධියට පත් විය.
සාමාන්‍යයෙන් සෞඛ්‍ය කටයුතු ගැන හෝ පක්‍ෂයේ මහ ලේකම් ලෙස දේශපාලනයේ කටයුතු ගැන ප්‍රවෘත්ති සාකච්ඡා පවත්වන මෛත්‍රීපාල සිරිසේන මහතා දේශපාලන කටයුතු ගැන නොව තමන්ට අගතියක්‌ කරන ලදැයි ස්‌ථාවරයේ සිට ඔහුට අනුව ''මාධ්‍ය මට කෙලියා'' යන තැන සිට මෙම සිද්ධිය ගැන ප්‍රවෘත්ති සාකච්ඡාවක්‌ සිය නිවසේදී පැවැත්වීය.
දෙපිරිසක්‌ අතර ගැටුමෙන් බරපතළ තුවාල තත්ත්වයක්‌ කිසිදු පාර්ශ්වයකට අත් නොවුවත් ඇමැති හා ඩී. අයි. ජී. පුතුන් මෙම දෙපිරිසට අයත් වීම නිසාත්, තම පුතා සම්බන්ධ වූ සරල සිද්ධියක්‌ ඇසුරෙන් තම ජීවිතයද දේශපාලනය ද ඝාතනය කරන්නට මෙම සිද්ධිය ආයුධයක්‌ බවට පිරිසක්‌ පත් කර ගෙන සිටින බව ඇමැති මෛත්‍රිපාල සිරිසේන ප්‍රකාශ කිරීමත් නිසා ඇමැතිවරයා හට බරපතළ තුවාලයක්‌ වී තිබෙන බව පෙනේ.
මාර්තු මස හතර වැනිදා දෙපිරිසටම උසාවි පැමිණෙන ලෙස නියෝග කර තිබීමෙන්, මෙම කතාව දැනට නිමා කළ හැකිය.
නමුත් සාමාන්‍ය පරිදි 'අසා සිටි ඔබ සැමට ස්‌තුතියි' යනුවෙන් මෙය අවසන් කළ නොහැකිය. මාළු මාළු හෝටලය වැනි අධි සුඛෝපභෝගී හෝටල් හි වෙරළ තීරයේ මෙවැනි රැඟුම් රඟන්නට රටේ බහුතරයකගේ පුතුන්ට අවස්‌ථා නැත. මාළු කෑල්ලක්‌ දරුවෙකුට මාසයකට වරක්‌ දෙන්නට ද සාමාන්‍ය පවුලකට දැන් වත්කම් නැත. ඒ සාමාන්‍ය පුරවැසියාටය. එසේ වුවත් මාළු මාළු හෝටලයේ විනෝද සුව විඳ ගුටි ඇන ගෙන තෙල් බස්‌සවා ගැනීමට ලොකු අතුවල පුතුන්ට හැකියාව ලැබී තිබේ.
මේ සියල්ල දෙස හොඳින් බලා සිටි, ඇමැති මෛත්‍රිපාල සිරිසේන වරක්‌ කියූ පරිදි 'බම්බුව තමයි බම්බුව' කියා තමන්ගේ වැඩක්‌ බලාගෙන අපි හා අපේ පුතුන් විනෝද වෙනවා හැරෙන්නට වෙන යමක්‌ මෙතැනදී අපට කරන්නට තිබේද?
මම කිසිම බලපෑමක්‌ කළේ නෑ
- ඇමැති මෛත්‍රිපාල සිරිසේන
මගේ දරුවා ප්‍රචණ්‌ඩකාරී, මැරවරයෙක්‌ ලෙස මාධ්‍ය විසින් හැඳින්වූවා. මුහුදු වෙරළේ තරුණ පිරිසක්‌ ගහගත්තා. රටට පෙන්වන්නේ එක පුද්ගලයෙක්‌ හෝ පිරිසක්‌ තවත් කෙනකුට පහර දුන්නා කියලා. නියෝජ්‍ය පොලිස්‌පතිගේ පුතා පාසිකුඩා වෙරළේ භාවනානුයෝගීව සිටියදී මේ පිරිස පහර දුන්නා කියලා පෙන්වන්නයි හදන්නේ.
මාධ්‍යයෙන් ගහලා ගහලා මාව විනාශ කරන්න බැරි වුණොත් මගේ ජීවිතය නැති කරන බව මම දන්නවා. මීට දින කීපයකට කලින් මගේ ගෙදරට දුරකථන ඇමතුමක්‌ දීලා දරුවන්ටත් බිරිඳටත් තර්ජනය කර තිබුණ උඹලගේ තාත්තාට ගේ ඉස්‌සරහා වෙඩි තියලා මරලා දානවා කියලා.
සෞඛ්‍ය ඇමැතිවරයා ලෙස මට ඓතිහාසික වෙනස්‌කම් කිහිපයක්‌ කරන්න පුළුවන් වුණා. ඖෂධ ප්‍රතිපත්තිය යළි සකස්‌ කරනවා. මහා විශාල ඖෂධ ජාවාරම් නැති කරන්න අලුත් ටෙන්ඩර් ක්‍රමයක්‌ ලබන මාසයේ ඉඳලා ආරම්භ කරනවා. එම නිසා මට දැනෙනවා මාව විනාශ කිරීමේ අවශ්‍යතාවක්‌ ඇතැමුන්ට ඇති බව. මගේ ජීවිතය තියෙන්නේ අනතුරක.
මේ පාසිකුඩා සිද්ධිය මට ආරංචි වුණා. දරුවන් ඉන්නේ කල්කුඩා පොලිසියේ බව දැනගත්තා. මේ සිද්ධියට අදාළ නියෝජ්‍ය පොලිස්‌පතිවරයාට මම කතා කරලා ඇහුවා. ප්‍රශ්නයක්‌ වී තිබෙනවා. "පුතාට තුවාලයි. මඩකලපු රෝහලට රැගෙන යන බව ඔහු කිව්වා. මමත් මඩකලපුව රෝහලට ගියා. නියෝජ්‍ය පොලිස්‌පතිවරයාගේ දරුවා ඇඳේ සිටියා. මම ඔහු අසලට ගියා.
අවශ්‍ය ප්‍රතිකාර කරන ලෙස වෛද්‍යවරුන්ගෙන් ඉල්ලා සිටියා. මගේ දරුවාගේ අතේ වරදක්‌ තියෙනවා නම් ඕනෑම නීතියක්‌ ක්‍රියාත්මක කරන්න" කියා මම නියෝජ්‍ය පොලිස්‌පතිවරයාට පැවසුවා. ඒ දරුවාගේ උරහිසේ පැරැණි තුවාල කැළලක්‌ තිබුණා. ඒ මොනවා වෙලාද කියා ඇහුවා. මීට කලින් කළ ශල්‍යකර්මයක කැළලක්‌ බවත් මේ ආරවුලේදී ඒ ශල්‍යකර්මයටත් බලපෑමක්‌ වී ඇතිද කියාත් පරීක්‍ෂා කරන බවත් දරුවා කොළඹ රැගෙන යන බවත් නියෝජ්‍ය පොලිස්‌පතිවරයා පැවැසුවා. ගිලන් රථයක්‌ අවශ්‍ය නම් කොළඹින් ගෙන්වා දෙන්නම්. නැත්නම් මගේ වාහනයේ යා හැකි බව මම ඔහුට පැවැසුවා. ඔවුන් වාහනයක්‌ ගෙන්වාගත් බව කිව්වා.
අංකල් මගේ කිසිම ප්‍රශ්නයක්‌ නෑ. කිසිම කෙනෙක්‌ එක්‌ක තරහක්‌ නෑ..." කියලා ඒ දරුවා කිව්වා. ඉන් පසුව තමයි මම මගේ දරුවා බලන්න කල්කුඩා පොලිසියට ආවේ. මම ඇමැතිවරයෙක්‌. පක්‍ෂයක ලේකම්වරයෙක්‌ වුණත් පැය අටක්‌ පොලිසියේ බංකුවක්‌ උඩට වෙලා හිටියා. ඒත් මෙවැනි අවස්‌ථාවක බලය ඇති සමහරු නම් කරන්නේ තමන්ගේ දරුවා බලහත්කාරයෙන් වාහනයේ දමාගෙන පොලිස්‌ නිලධාරීන්ටත් පරුෂ වචන කියලා එන එකයි. ඒත් මම කිසිම බලපෑමක්‌ කළේ නෑ. මම පොලිසියෙන් ආවේ පාන්දර දෙකට විතර.
අධිකරණයෙන් සාධාරණයක්‌ ඉටුවෙයි
- නියෝජ්‍ය පොලිස්‌පති රවී වෛද්‍යාලංකාර
පාසිකුඩා වෙරළේදී සිද්ධවෙච්ච දේ ගැන මම ඉන්නෙ හරිම කනගාටුවෙන්. ඇමැතිතුමාගෙ පුතා ඇතුළු පිරිස මගේ ලේලිගෙ ඡායාරූප ගන්න ගිය වෙලාවෙ තමයි ඔය ප්‍රශ්නෙ ඇතිවෙලා තියෙන්නෙ.
මේ සිද්ධිය වෙනකොට මම හිටියෙ මඩකලපුවෙ මගේ කාර්යාලයේ. මම පුතාව බලන්න එනකොට අතරමගදි එයාව හම්බවුණා. හෝටල් කාර්යමණ්‌ඩලය පුතාව රෝහලට අරගෙන යන වෙලාවෙ මට හම්බ වුණේ.
මම පුතාව අරගෙන මඩකලපුව රෝහලට ගියා. පොලිස්‌ නිලධාරීන්ට උපදෙස්‌ දුන්නා සාධාරණ පරීක්‍ෂණයක්‌ කරන්න කියලා. අඩුම තරමින් මම මඩකලපුව පොලිසියටවත් ගියෙ නැහැ මේ පරීක්‍ෂණ කෙරෙන ආකාරය ගැන බලන්න.
මම හිතනවා මගේ පුතාට වෙච්ච අසාධාරණයට අධිකරණයෙන් සාධාරණයක්‌ ඉෂ්ටවෙයි කියලා.
පුතා පෞද්ගලික ආයතනයක විධායක ශ්‍රේණියේ රැකියාවක්‌ කරනවා. පුතයි එයාගෙ නෝනයි මීට මාසෙකට විතර උඩදි තමයි ඔය හෝටලයේ කාමරයක්‌ වෙන්කරගෙන තියෙන්නෙ. එයාගෙ ක්‍රෙඩිට්‌ කාඩ් එකෙන්මයි මුදල් ගෙවල තියෙන්aනෙ.
සමහරු නොයෙකුත් කතා කියනවා. ඒත් මේක තමයි ඇත්ත. පෞද්ගලික රෝහලක ප්‍රතිකාර ලබන මගේ පුතාව ගෙදර එක්‌කරගෙන ආවා. අපි බලාගෙන ඉන්නවා සාධාරණය ඉෂ්ට වෙනතුරු.
මම අසරණ වුණා
- අසේල වෛද්‍යාලංකාර
මමයි මගේ වයිෆුයි පාසිකුඩා ආවෙ දවස්‌ කීපයක්‌ නතරවෙලා විනෝදවෙන්න. මා එක්‌ක මගේ තවත් යාලුවෙකුයි එයාගෙ වයිෆුයි ඇවිත් හිටියා.
ඔය සිද්ධිය වෙච්ච දවසේ අපි බෝට්‌ටු සවාරියක්‌ ගියා. ඒ ගිහින් ඇවිත් ගොඩබැස්‌ස වෙලාවෙ කොල්ලො 15 ක්‌ විතර බීච් එකේ හිටියා. එතන හිටිය එක්‌කෙනෙක්‌ එයාගේ නාන ඇඳුම් පහත් කරගෙන මගේ වයිෆ්ට පේන්න අශෝභන විදිහට හැසිරුණා.
ඒ අතරේ ඒ අයගෙන් කෙනෙක්‌ මගේ වයිෆ්ගෙ පින්තූර ගන්න පටන් ගත්තා.
මම ඒ පුද්ගලයා ළඟට ගිහින් කිව්වා මචං මේ මගේ වයිෆ් එයාගෙ පිංතූර ගන්න එපා. ගත්ත පිංතූර ටික මකලා දාන්න කියලා.
ඒ වෙලාවෙ එයා කිව්වා උඹගෙ වයිෆ්ගෙ පිංතූර අපි ගත්තෙ නැහැ. උඹ යන අතක්‌ බලාගෙන පලයන් කියලා. මම දිගින් දිගටම කිව්වා පිංතූර ටික මකලා දන්න කියලා.
ඒත් එක්‌කම එතන හිටිය කෙනෙක්‌ මාව තල්ලු කළා. මම බිම ඇදගෙන වැටුණා. ඒ වෙලාවෙ එතන හිටිය අය මට හොඳටම ගහන්න පටන් ගත්තා.
මගේ වයිෆ් විලාප තියලා කෑගැහුවා. මම ඒ වෙලාවෙ ගොඩක්‌ අසරණවෙලා හිටියෙ. පාසිකුඩා වෙරළේ ආරක්‍ෂාවට හිටිය පොලිස්‌ නිලධාරීන් තුන්දෙනකුට මම මේ සිද්ධිය කිව්වා. ඒ අය දුවලා ඇවිත් මාව බේරගන්න උත්සාහ කළා. ඒත් අර පිරිස පොලිසියේ අයටත් පහර දුන්නා.
මගේ එක උරහිසක ශල්‍යකර්මයක්‌ කරලා තිබුණෙ. ඒ අත සම්පූර්ණයෙන් සනීපවෙලා තිබුණෙ නැහැ. මගේ ඒ අත ආයෙත් ආබාධිත තත්ත්වයට පත්වෙලා.
මේ පිරිස පහරදෙන වෙලාවෙ මම දැනගෙන හිටියෙ නැහැ ඇමැතිතුමාගෙ පුතා එතන ඉන්නෙ කියලා. පැය කීපයකට පස්‌සෙ තමයි මම ඒක දැනගත්තෙ.
පහර කෑමෙන් මගේ තොල පුපුරලා මුහුණෙ පැත්තක්‌ ඉදිමිලා තිබුණ. ඒ වෙලාවෙම හෝටල් කාර්ය මණ්‌ඩලය මාව රෝහල්ගත කළා.
නීතිය එක්‌ එක්‌ පුද්ගලයට වෙනස්‌
- පාර්ලිමේන්තු මන්ත්‍රී ගයන්ත කරුණාතිලක
පසුගිය දවස්‌වල බොහෝම කඩිමුඩියේ ආණ්‌ඩුව පාර්ලිමේන්තුවේදී නීතියක්‌ සම්මත කළා. ඕනෑම සැකකරුවකු පැය 48 ක්‌ පොලිසියේ රඳවාගෙන ප්‍රශ්න කළ හැකි නීතියක්‌ එසේ සම්මත කළා. එක්‌සත් ජාතික පක්‍ෂය ඇතුළු බොහෝ දේශපාලන පක්‍ෂ බොහෝම දැඩි ලෙස ඊට විරුද්ධ අදහස්‌ ප්‍රකාශ කළා. එම විරෝධතා නොසලකා හරිමින් පාර්ලිමේන්තු=වේ විකෘති බලය පාවිච්චි කරගෙන ආණ්‌ඩුව එම නීතිය සම්මත කරගත්තා.
ආණ්‌ඩුවේ ප්‍රබල ඇමැතිවරයෙකුගේ පුතෙක්‌ ඒ පළාතේ නියෝජ්‍ය පොලිස්‌පතිවරයාගේ පුතාට පහර දී තිබෙනවා. එම පහරකෑමට ලක්‌ වූ තරුණයා රෝහලේ දැඩි සත්කාර ඒකකයේ ප්‍රතිකාර ගනිමින් සිටිනවා.
එම සිද්ධියත් එක්‌ක මේ රටේ නීතිය එක්‌ එක්‌ පුද්ගලයාට වෙනස්‌ ආකාරයකට ක්‍රියාත්මක වන බව යළිත් ජනතාවට තහවුරු වෙමින් තිබෙනවා. පැය 48 නීතිය මගින් දේශපාලන මර්දනයකට සූදානම් වන බව අපි ඉතා පැහැදිලිව පාර්ලිමේන්තුවේදී පෙන්වා දුන්නා. පහර කෑමට ලක්‌වූ නියෝජ්‍ය පොලිස්‌පතිවරයාගේ පුතා දැඩි සත්කාර ඒකකයේ ප්‍රතිකාර ලබද්දී ඇමැති පුතා පොලිස්‌ ඇප මත එවලේම මුදා හැර තිබෙනවා. පැය 48 රඳවා ගැනීමේ නීතිය තිබෙන්නේ එක එක පුද්ගලයාට වෙන වෙනම ක්‍රියා කිරීමට ද යන ගැටලුව අද ඕනෑම පුරවැසියකුට ප්‍රශ්නයක්‌ හැටියට තිබෙනවා.
පහර කෑමට ලක්‌ වූ පුද්ගලයා රෝහල්ගත කොට සිටින නිසා පහරදුන් පුද්ගලයන් උසාවියට ඉදිරිපත් කිරීමට පොලිසිය ක්‍රියා කළ යුතුව තිබුණා. නමුත් ස්‌වාධීන පොලිස්‌ කොමිසම නැති අඩුවත්, පොලිසිය දේශපාලනීකරණය වීමේ ප්‍රතිඵලයත් මෙම සිද්ධියේදී මැනවින් රටට ප්‍රදර්ශනය කොට තිබෙනවා.
එක එක පුද්ගලයා දේශපාලන හයියෙන් නීතිය අතට අරගෙන ක්‍රියා කිරීම දැන් විලාසිතාවක්‌ වගෙයි. ප්‍රාදේශීය සභා, පළාත් සභා සහ පාර්ලිමේන්තුවේ මැති ඇමැතිවරු සහ ඔවුන්ගේ දරුවන් එවැනි හැසිරීම්වල අඩුවක්‌ නැතිවම යෙදී සිටින බව දිනපතාම වාර්තා වෙනවා. ප්‍රාදේශීය මට්‌ටමේ සිට ඉහළ තැන් දක්‌වා ආණ්‌ඩුවේ මැති ඇමැතිවරු මෙවැනි දේ සිදු කරන කොට ඊට විරුද්ධව විනය පරීක්‍ෂණ සිදු කරන්න සිටින ශ්‍රී ලංකා නිදහස්‌ පක්‍ෂයේ මහ ලේකම්වරයාගේ පුත්‍රයාගෙන් එවැනි දේවල් වාර්තා වීම බරපතළ ගැටලුවක්‌ ලෙස අපි දකිනවා.
- ඇමැති මෛත්‍රිපාල සිරිසේන
මගේ දරුවා ප්‍රචණ්‌ඩකාරී, මැරවරයෙක්‌ ලෙස මාධ්‍ය විසින් හැඳින්වූවා. මුහුදු වෙරළේ තරුණ පිරිසක්‌ ගහගත්තා. රටට පෙන්වන්නේ එක පුද්ගලයෙක්‌ හෝ පිරිසක්‌ තවත් කෙනකුට පහර දුන්නා කියලා. නියෝජ්‍ය පොලිස්‌පතිගේ පුතා පාසිකුඩා වෙරළේ භාවනානුයෝගීව සිටියදී මේ පිරිස පහර දුන්නා කියලා පෙන්වන්නයි හදන්නේ.
මාධ්‍යයෙන් ගහලා ගහලා මාව විනාශ කරන්න බැරි වුණොත් මගේ ජීවිතය නැති කරන බව මම දන්නවා. මීට දින කීපයකට කලින් මගේ ගෙදරට දුරකථන ඇමතුමක්‌ දීලා දරුවන්ටත් බිරිඳටත් තර්ජනය කර තිබුණ උඹලගේ තාත්තාට ගේ ඉස්‌සරහා වෙඩි තියලා මරලා දානවා කියලා.
සෞඛ්‍ය ඇමැතිවරයා ලෙස මට ඓතිහාසික වෙනස්‌කම් කිහිපයක්‌ කරන්න පුළුවන් වුණා. ඖෂධ ප්‍රතිපත්තිය යළි සකස්‌ කරනවා. මහා විශාල ඖෂධ ජාවාරම් නැති කරන්න අලුත් ටෙන්ඩර් ක්‍රමයක්‌ ලබන මාසයේ ඉඳලා ආරම්භ කරනවා. එම නිසා මට දැනෙනවා මාව විනාශ කිරීමේ අවශ්‍යතාවක්‌ ඇතැමුන්ට ඇති බව. මගේ ජීවිතය තියෙන්නේ අනතුරක.
මේ පාසිකුඩා සිද්ධිය මට ආරංචි වුණා. දරුවන් ඉන්නේ කල්කුඩා පොලිසියේ බව දැනගත්තා. මේ සිද්ධියට අදාළ නියෝජ්‍ය පොලිස්‌පතිවරයාට මම කතා කරලා ඇහුවා. ප්‍රශ්නයක්‌ වී තිබෙනවා. "පුතාට තුවාලයි. මඩකලපු රෝහලට රැගෙන යන බව ඔහු කිව්වා. මමත් මඩකලපුව රෝහලට ගියා. නියෝජ්‍ය පොලිස්‌පතිවරයාගේ දරුවා ඇඳේ සිටියා. මම ඔහු අසලට ගියා.
අවශ්‍ය ප්‍රතිකාර කරන ලෙස වෛද්‍යවරුන්ගෙන් ඉල්ලා සිටියා. මගේ දරුවාගේ අතේ වරදක්‌ තියෙනවා නම් ඕනෑම නීතියක්‌ ක්‍රියාත්මක කරන්න" කියා මම නියෝජ්‍ය පොලිස්‌පතිවරයාට පැවසුවා. ඒ දරුවාගේ උරහිසේ පැරැණි තුවාල කැළලක්‌ තිබුණා. ඒ මොනවා වෙලාද කියා ඇහුවා. මීට කලින් කළ ශල්‍යකර්මයක කැළලක්‌ බවත් මේ ආරවුලේදී ඒ ශල්‍යකර්මයටත් බලපෑමක්‌ වී ඇතිද කියාත් පරීක්‍ෂා කරන බවත් දරුවා කොළඹ රැගෙන යන බවත් නියෝජ්‍ය පොලිස්‌පතිවරයා පැවැසුවා. ගිලන් රථයක්‌ අවශ්‍ය නම් කොළඹින් ගෙන්වා දෙන්නම්. නැත්නම් මගේ වාහනයේ යා හැකි බව මම ඔහුට පැවැසුවා. ඔවුන් වාහනයක්‌ ගෙන්වාගත් බව කිව්වා.
අංකල් මගේ කිසිම ප්‍රශ්නයක්‌ නෑ. කිසිම කෙනෙක්‌ එක්‌ක තරහක්‌ නෑ..." කියලා ඒ දරුවා කිව්වා. ඉන් පසුව තමයි මම මගේ දරුවා බලන්න කල්කුඩා පොලිසියට ආවේ. මම ඇමැතිවරයෙක්‌. පක්‍ෂයක ලේකම්වරයෙක්‌ වුණත් පැය අටක්‌ පොලිසියේ බංකුවක්‌ උඩට වෙලා හිටියා. ඒත් මෙවැනි අවස්‌ථාවක බලය ඇති සමහරු නම් කරන්නේ තමන්ගේ දරුවා බලහත්කාරයෙන් වාහනයේ දමාගෙන පොලිස්‌ නිලධාරීන්ටත් පරුෂ වචන කියලා එන එකයි. ඒත් මම කිසිම බලපෑමක්‌ කළේ නෑ. මම පොලිසියෙන් ආවේ පාන්දර දෙකට විතර.
අධිකරණයෙන් සාධාරණයක්‌ ඉටුවෙයි
- නියෝජ්‍ය පොලිස්‌පති රවී වෛද්‍යාලංකාර
පාසිකුඩා වෙරළේදී සිද්ධවෙච්ච දේ ගැන මම ඉන්නෙ හරිම කනගාටුවෙන්. ඇමැතිතුමාගෙ පුතා ඇතුළු පිරිස මගේ ලේලිගෙ ඡායාරූප ගන්න ගිය වෙලාවෙ තමයි ඔය ප්‍රශ්නෙ ඇතිවෙලා තියෙන්නෙ.
මේ සිද්ධිය වෙනකොට මම හිටියෙ මඩකලපුවෙ මගේ කාර්යාලයේ. මම පුතාව බලන්න එනකොට අතරමගදි එයාව හම්බවුණා. හෝටල් කාර්යමණ්‌ඩලය පුතාව රෝහලට අරගෙන යන වෙලාවෙ මට හම්බ වුණේ.
මම පුතාව අරගෙන මඩකලපුව රෝහලට ගියා. පොලිස්‌ නිලධාරීන්ට උපදෙස්‌ දුන්නා සාධාරණ පරීක්‍ෂණයක්‌ කරන්න කියලා. අඩුම තරමින් මම මඩකලපුව පොලිසියටවත් ගියෙ නැහැ මේ පරීක්‍ෂණ කෙරෙන ආකාරය ගැන බලන්න.
මම හිතනවා මගේ පුතාට වෙච්ච අසාධාරණයට අධිකරණයෙන් සාධාරණයක්‌ ඉෂ්ටවෙයි කියලා.
පුතා පෞද්ගලික ආයතනයක විධායක ශ්‍රේණියේ රැකියාවක්‌ කරනවා. පුතයි එයාගෙ නෝනයි මීට මාසෙකට විතර උඩදි තමයි ඔය හෝටලයේ කාමරයක්‌ වෙන්කරගෙන තියෙන්නෙ. එයාගෙ ක්‍රෙඩිට්‌ කාඩ් එකෙන්මයි මුදල් ගෙවල තියෙන්aනෙ.
සමහරු නොයෙකුත් කතා කියනවා. ඒත් මේක තමයි ඇත්ත. පෞද්ගලික රෝහලක ප්‍රතිකාර ලබන මගේ පුතාව ගෙදර එක්‌කරගෙන ආවා. අපි බලාගෙන ඉන්නවා සාධාරණය ඉෂ්ට වෙනතුරු.
මම අසරණ වුණා
- අසේල වෛද්‍යාලංකාර
මමයි මගේ වයිෆුයි පාසිකුඩා ආවෙ දවස්‌ කීපයක්‌ නතරවෙලා විනෝදවෙන්න. මා එක්‌ක මගේ තවත් යාලුවෙකුයි එයාගෙ වයිෆුයි ඇවිත් හිටියා.
ඔය සිද්ධිය වෙච්ච දවසේ අපි බෝට්‌ටු සවාරියක්‌ ගියා. ඒ ගිහින් ඇවිත් ගොඩබැස්‌ස වෙලාවෙ කොල්ලො 15 ක්‌ විතර බීච් එකේ හිටියා. එතන හිටිය එක්‌කෙනෙක්‌ එයාගේ නාන ඇඳුම් පහත් කරගෙන මගේ වයිෆ්ට පේන්න අශෝභන විදිහට හැසිරුණා.
ඒ අතරේ ඒ අයගෙන් කෙනෙක්‌ මගේ වයිෆ්ගෙ පින්තූර ගන්න පටන් ගත්තා.
මම ඒ පුද්ගලයා ළඟට ගිහින් කිව්වා මචං මේ මගේ වයිෆ් එයාගෙ පිංතූර ගන්න එපා. ගත්ත පිංතූර ටික මකලා දාන්න කියලා.
ඒ වෙලාවෙ එයා කිව්වා උඹගෙ වයිෆ්ගෙ පිංතූර අපි ගත්තෙ නැහැ. උඹ යන අතක්‌ බලාගෙන පලයන් කියලා. මම දිගින් දිගටම කිව්වා පිංතූර ටික මකලා දන්න කියලා.
ඒත් එක්‌කම එතන හිටිය කෙනෙක්‌ මාව තල්ලු කළා. මම බිම ඇදගෙන වැටුණා. ඒ වෙලාවෙ එතන හිටිය අය මට හොඳටම ගහන්න පටන් ගත්තා.
මගේ වයිෆ් විලාප තියලා කෑගැහුවා. මම ඒ වෙලාවෙ ගොඩක්‌ අසරණවෙලා හිටියෙ. පාසිකුඩා වෙරළේ ආරක්‍ෂාවට හිටිය පොලිස්‌ නිලධාරීන් තුන්දෙනකුට මම මේ සිද්ධිය කිව්වා. ඒ අය දුවලා ඇවිත් මාව බේරගන්න උත්සාහ කළා. ඒත් අර පිරිස පොලිසියේ අයටත් පහර දුන්නා.
මගේ එක උරහිසක ශල්‍යකර්මයක්‌ කරලා තිබුණෙ. ඒ අත සම්පූර්ණයෙන් සනීපවෙලා තිබුණෙ නැහැ. මගේ ඒ අත ආයෙත් ආබාධිත තත්ත්වයට පත්වෙලා.
මේ පිරිස පහරදෙන වෙලාවෙ මම දැනගෙන හිටියෙ නැහැ ඇමැතිතුමාගෙ පුතා එතන ඉන්නෙ කියලා. පැය කීපයකට පස්‌සෙ තමයි මම ඒක දැනගත්තෙ.
පහර කෑමෙන් මගේ තොල පුපුරලා මුහුණෙ පැත්තක්‌ ඉදිමිලා තිබුණ. ඒ වෙලාවෙම හෝටල් කාර්ය මණ්‌ඩලය මාව රෝහල්ගත කළා.
නීතිය එක්‌ එක්‌ පුද්ගලයට වෙනස්‌
- පාර්ලිමේන්තු මන්ත්‍රී ගයන්ත කරුණාතිලක
පසුගිය දවස්‌වල බොහෝම කඩිමුඩියේ ආණ්‌ඩුව පාර්ලිමේන්තුවේදී නීතියක්‌ සම්මත කළා. ඕනෑම සැකකරුවකු පැය 48 ක්‌ පොලිසියේ රඳවාගෙන ප්‍රශ්න කළ හැකි නීතියක්‌ එසේ සම්මත කළා. එක්‌සත් ජාතික පක්‍ෂය ඇතුළු බොහෝ දේශපාලන පක්‍ෂ බොහෝම දැඩි ලෙස ඊට විරුද්ධ අදහස්‌ ප්‍රකාශ කළා. එම විරෝධතා නොසලකා හරිමින් පාර්ලිමේන්තු=වේ විකෘති බලය පාවිච්චි කරගෙන ආණ්‌ඩුව එම නීතිය සම්මත කරගත්තා.
ආණ්‌ඩුවේ ප්‍රබල ඇමැතිවරයෙකුගේ පුතෙක්‌ ඒ පළාතේ නියෝජ්‍ය පොලිස්‌පතිවරයාගේ පුතාට පහර දී තිබෙනවා. එම පහරකෑමට ලක්‌ වූ තරුණයා රෝහලේ දැඩි සත්කාර ඒකකයේ ප්‍රතිකාර ගනිමින් සිටිනවා.
එම සිද්ධියත් එක්‌ක මේ රටේ නීතිය එක්‌ එක්‌ පුද්ගලයාට වෙනස්‌ ආකාරයකට ක්‍රියාත්මක වන බව යළිත් ජනතාවට තහවුරු වෙමින් තිබෙනවා. පැය 48 නීතිය මගින් දේශපාලන මර්දනයකට සූදානම් වන බව අපි ඉතා පැහැදිලිව පාර්ලිමේන්තුවේදී පෙන්වා දුන්නා. පහර කෑමට ලක්‌වූ නියෝජ්‍ය පොලිස්‌පතිවරයාගේ පුතා දැඩි සත්කාර ඒකකයේ ප්‍රතිකාර ලබද්දී ඇමැති පුතා පොලිස්‌ ඇප මත එවලේම මුදා හැර තිබෙනවා. පැය 48 රඳවා ගැනීමේ නීතිය තිබෙන්නේ එක එක පුද්ගලයාට වෙන වෙනම ක්‍රියා කිරීමට ද යන ගැටලුව අද ඕනෑම පුරවැසියකුට ප්‍රශ්නයක්‌ හැටියට තිබෙනවා.
පහර කෑමට ලක්‌ වූ පුද්ගලයා රෝහල්ගත කොට සිටින නිසා පහරදුන් පුද්ගලයන් උසාවියට ඉදිරිපත් කිරීමට පොලිසිය ක්‍රියා කළ යුතුව තිබුණා. නමුත් ස්‌වාධීන පොලිස්‌ කොමිසම නැති අඩුවත්, පොලිසිය දේශපාලනීකරණය වීමේ ප්‍රතිඵලයත් මෙම සිද්ධියේදී මැනවින් රටට ප්‍රදර්ශනය කොට තිබෙනවා.
එක එක පුද්ගලයා දේශපාලන හයියෙන් නීතිය අතට අරගෙන ක්‍රියා කිරීම දැන් විලාසිතාවක්‌ වගෙයි. ප්‍රාදේශීය සභා, පළාත් සභා සහ පාර්ලිමේන්තුවේ මැති ඇමැතිවරු සහ ඔවුන්ගේ දරුවන් එවැනි හැසිරීම්වල අඩුවක්‌ නැතිවම යෙදී සිටින බව දිනපතාම වාර්තා වෙනවා. ප්‍රාදේශීය මට්‌ටමේ සිට ඉහළ තැන් දක්‌වා ආණ්‌ඩුවේ මැති ඇමැතිවරු මෙවැනි දේ සිදු කරන කොට ඊට විරුද්ධව විනය පරීක්‍ෂණ සිදු කරන්න සිටින ශ්‍රී ලංකා නිදහස්‌ පක්‍ෂයේ මහ ලේකම්වරයාගේ පුත්‍රයාගෙන් එවැනි දේවල් වාර්තා වීම බරපතළ ගැටලුවක්‌ ලෙස අපි දකිනවා.
0 comments:
Post a Comment