සිරිපා වන්දනා වාරය අද (27) ආරම්භ කෙරේ. සිරිපා වන්දනාව ආරම්භ කිරීම සඳහා
සධාතුක කරඬුව සමන් දෙවි පිළිරුව සහ දේවාභරණ රැගත් පෙරහර පැල්මඩුල්ල
ගල්පොත්තාවල රජමහාවිහාරයෙන් ඊයේ (26) පිටත් විය.
ශ්‍රී පාදස්ථානාධිපති රත්නපුර දිසාවේ ප්‍රධාන සංඝනායක බෙන්ගමුවේ ධම්මදින්න
හිමියන්ගේ අනුශාසනයෙන් චාරිත්‍රානුකූලව ආගමික වතාවත් සිදු කරමින් ඊයේ
සමන් දෙවි පිළිරුව වැඩම කරවන ලදී. සබරගමුව පළාත් ප්‍රධාන ඇමැති මහිපාල හේරත්,
ඇමැති ඩබ්ලිව්.ඩි.ජේ සෙනෙවිරත්න පොලිස්පති එන්.කේ ඉලංගකෝන් මහත්වරුද මේ
අවස්ථාවට සහභාගී වූහ.
සිරිපතුල සදුන් දියෙන් දොහොවා ප්‍රථම බුද්ධ පුජාව සිදු කිරිමට නියමිතය.
උඩමළුවට වැඩම කරන කොත් වහන්සේ පැළදවීම හා දොළොස් මහේ පහන දැල්විමද අද දින
සිදු කෙරේ.
0 comments:
Post a Comment