බංග්ලාදේශ නිදහස් සටනේදි සිදුකළ යුද අපරාධ සම්බන්ධයෙන් සිය නායකයකු එල්ලා
මරා දැමීමට සිදු කෙරුණු අධිකරණ නියෝගයෙන් කුපිත ඉස්ලාමියවාදීන් පෙරේදා
ප්‍රචණ්ඩකාරී රැල්ලක නිරත වීමේදී 34 දෙනකු ජීවිතක්ෂයට පත්ව තිබේ.
මේ ඉස්ලාමියවාදින් අයත් ජමාට් ඉ ඉස්ලාමි පක්ෂයේ උප සභාපති ඩෙල්වර් හුසේන්
සයිදි මිනිමැරීම් , ගිනිතැබිම් හා ස්ත්‍රී දූෂණ ඇතුළු යුද අපරාධ වලට
වැරදිකරු බව ප්‍රකාශ කළ අධිකරණය ඔහු එල්ලා මරා දැමීමට නියෝග කර තිබේ.
මේ
නියෝගයෙන් කෝපයට පත් ඉස්ලාමිය වාදීන් පොලිසිය සමග ගැටී තිබුණු අතර එහිදි මිය
ගිය සංඛ්‍යාවෙන් 23 දෙනකුටම වෙඩි වැදී තිබිණ.
සයිදි යුද අපරාධ සම්බන්ධයෙන් එම පක්ෂයේ වරදකරුවන් බවට පත් තෙවැන්නාය .
දශක දෙකකට වැඩි කාලයකින් පසු දිස්ත්‍රික් 15 ක ඇතිවූ දරුණුම ප්‍රචණ්ඩකාරී
උද්ඝෝෂණවලදී මේ 34 දෙනාට ජීවිත අහිමිව තිබේ.
ඉකුත් ජනවාරි 21 දා පළමු තීන්දුව නිකුත්විමේ පටන් ඇතිවු ප්‍රචණ්ඩකාරී උද්ඝෝෂණ
සියල්ලගෙන්ම මේ වනවිට 50 දෙනකු ජීවිතක්ෂයට පත්ව ඇත.
පෙරේදා මියගිය පුද්ගලයන් අතර පොලීසියේ සිවු දෙනකුද වන අතර ඉන් දෙදෙනකුම මරා
දමා තිබු‍ණේ පහර දීමෙනි. ගායි බන්දා පොලීසියට උද්ඝෝෂකයන් අත්බෝම්බ දමා ගසා
තිබිණ. 10000 ක පමණ පිරිසක් පොලිසිය වට කළ බව පැවසී තිබේ.
මේ උද්ඝෝෂණවලදී පොලිසිය ඇතළුව 300 ක් පමණ තුවාල ලත් බවද සඳහන්ය.
0 comments:
Post a Comment