ඔස්ට්‍රේලියාවේ දකුණු දූපතක් වන තස්මේනියාවේ හටගත් ලැව්ගින්නෙන් පසු විශාල
පිරිසක් අතුරුදන්ව සිටින බව පැවසී ඇතත් මේ දක්වාම ඉන් ජීවිතක්ෂයට පත් අයකු
ගැන වාර්තා වී නැතැයි පොලීසිය පවසයි.
අධික උෂ්ණත්වය මැද හටගත් ගින්න වේගවත් සුළං නිසා වහා පැතිරී ඇති අතර ඉන් නිවාස
100 කට වැඩි ප්‍රමාණයක් විනාශ වී ඇත. ගින්නෙන් වූ විනාශය නැරඹීමට
ඔස්ට්‍රේලියානු අගමැතිනි ජුලියා ගිලාඩ් තස්මේනියාවේ සංචාරයක නිරතව තිබිණ.
ඊයේ උදේ වන විට ගින්න තදින්ම පැවැති ප්‍රදේශවල නේවාසික ස්ථාන 245ක් පරීක්ෂණයට
ලක් කළ බව පවසන පොලීසිය ඒවායින් ගොඩනැගිලි 90ක් පමණ හානියට පත්ව හෝ විනාශයට
පත්ව ඇතැයි කීවේය. එහෙත් සිදුකළ පරීක්ෂණවලදී කිසිවකු මරණයට පත්ව ඇති බව
වාර්තා වී නැති බව ද ඔහු කීවේය.
කෙසේවෙතත් ගින්නෙන් පසු 500ක් පමණ අතරුදන්ව ඇති
බව හා ඉන් 100ක පමණ කෙරේ විශේෂ අවධානය යොමා ඇති බව පැවැසේ. ඉන් අදහස් වන්නේ
ඔවුන් කෙරේ ප්‍රමඛතාව ලබා දීම මිස ඔවුන් බරපතළ තත්ත්වයේ පසුවන බව නොවේ යැයි
පොලීසිය පවසා ඇත.
තවද සියලුම පරීක්ෂණ නිම වන තුරු මිය ගිය අය සිටී ද යන්න තහවුරු කළ නොහැකි බව ද
ඔවුන් පවසා තිබේ.
තවත් ප්‍රාන්ත කීපයක පවත්නා දැඩි උෂ්ණත්වය මැද ගිනි ගැනීම් කීපයක් වාර්තා වී ඇති
නිසා දැඩි විමසිල්ලෙන් පසුවන ලෙස අගමැතිනිය ජනතාවට අවවාද කර තිබේ.
0 comments:
Post a Comment