මේ දිනවල රටේ විවිධ ප්‍රදේශවලට වසින කහ වැහි හා රතු වැහිවලට හේතුව විදේශ රටකින්
මෙරටට පාවී ආ දූවිලි වලාවක් විය හැකි යයි නාසා අභ්‍යවකාශ පර්යේෂණ ආයතනයේ ප්‍රධාන
විද්‍යාඥ ආචාර්ය සරත් ගුණපාල මහතා පවසයි.
ලෝකයේ විවිධ රටවල්වල කහ හා රතු වැහි ඇතිවී ඇති බව ද ඒවා ඇතිවී ඇත්තේ ඒ රටවල අහසේ
දූලි වලා ඇතිවීම නිසා බව ඔහු සඳහන් කරයි.
මේ දිනවල ඉහළ වායු ගෝලයේ අධික සුළං ධාරා පවතින බවත් ඒ අනුව අපේ රටටත්
කාබන්ඩයොක්සයිඩ්වලින් දූෂිත දූවිලි ධාරාවක් පිටරටකින් පැමිණීමේ හේතුවෙන් මෙවැනි කහ
– රතු වැසි ඇතිවීමට ඉඩ ඇති බවත් ආචාර්ය සරත් ගුණපාල පවසයි.
මේ වැසිවල ඇල්ගී හා ක්ෂුද්‍ර ජීවීන් තිබීමට ඉඩ ඇති බවත් ඊට හේතුව දියගොබවලාව වැනි
සිදුවීම් බවත් ආචාර්ය සරත් ගුණපාල පෙන්වා දෙයි.
මේ අතර නාසා ආයතනයේ ඔර්ජින් වැඩ සටහන යටතේ කෙප්ලර් අධිතාක්ෂණික උපකරණය මඟින් කළ
අධ්‍යයනයක් අනුව අපේ විශ්වයේ අපේ පෘථිවියට වඩා විශාල ග්‍රහලෝක 3000ක් තිබෙන බව
පැහැදිලිවී ඇතැයි ආචාර්ය සරත් ගුණපාල මහතා පවසයි.
පසුගිය මාසයේ අඟහරු ලොවට යැවූ ‘කියුරියෝසිටි යානය මඟින් අඟහරු ලොවේ ජලය තිබූ බවට
සාක්ෂි සොයාගෙන ඇතැයි ද ජලය ගලා ගිය ගඟක රවුම් ගල් රැසක් හමුවී ඇති බව ද ආචාර්ය
සරත් ගුණපාල සඳහන් කළේය.
ඇමෙරිකාවේ සිට කෙටි පෞද්ගලික සංචාරයක් සඳහා මෙරටට පැමිණි මොහොතේ සිළුමිණ සමඟ
එක්වෙමින් ආචාර්ය සරත් ගුණපාල මහතා මේ අදහස් පළ කළේය.
0 comments:
Post a Comment