ආහාර ද්‍රව්‍ය සඟවා තබා උත්සව සමයේදී මිල වැඩි කර විකිණීමට ඇතැම් වෙළඳුන් කටයුතු
කරන බවට ලැබී ඇති තොරතුරු මත සඟවන ලද අත්‍යවශ්‍ය පාරිභෝගික ද්‍රව්‍ය සොයා පාරිභෝගික
අධිකාරියේ වැටලීම් කණ්ඩායම් මෙහෙයුම් දියත් කර තිබේ.
සහල්, පිටි, සීනි, සැමන්,කුකුල් මස් , අල , පරිප්පු, කරවල, බිත්තර ඇතුළු විවිධ ආහාර
ද්‍රව්‍ය වෙළඳුන් සඟවා තැබීමට කටයුතු කරන බවට පාරිභෝගික අධිකාරියට පැමිණිලි ලැබී
තිබේ.
රට පුරා පාරිභෝගික අධිකාරියේ වැටලීම් කණ්ඩායම් දෙසීයක් පමණ මෙහෙයුම් සිදු කරති.
උත්සව සමයේදී අත්‍යාවශ්‍ය සෑම පාරිභෝගික භාණ්ඩයක්ම මිලදී ගැනීම සඳහා ස.තො.ස.තුළ
සියලු පහසුකම් සලසා තිබේ. දැනට වෙළඳපොළේ අත්‍යාවශ්‍ය ද්‍රව්‍ය රැසක් වෙනුවෙන් යොදවා
ඇති පාලන මිලට වැඩියෙන් කිසිදු ආහාර ද්‍රව්‍යයක් අලෙවි කිරීමට ඉඩ නොතබන බව සමූපකාර
හා අභ්‍යන්තර වෙළඳ කටයුතු පිළිබඳ ඇමැති ජොන්ස්ටන් ප්‍රනාන්දු මහතා පවසයි.
විජයානි එදිරිසිංහ
දිනමිණ ඇසුරින් පාකරන ලදී.
0 comments:
Post a Comment