Tuesday, December 11, 2012

නේපාල ව්‍යවස්ථා අවුලෙන් අධිකරණය කඩා වැටේ

නේපාල මැතිවරණය පැවැත් විමට මෙන්ම පශ්චාත් යුද ව්‍යවස්ථාව සැකසීමට බාධාවක්ව ඇති දේශපාලන අක්‍රීයත්වය එරට නීති පද්ධතිය හා ජන ජීවිතයේ වැදගත් පැතිකඩ අඩපණ කිරී‍මේ අවදානමක් මතු කර තිබෙන බව විශ්ලේෂකයන් විසින් පෙන්වා දී තිබේ. 

නේපාල ශ්‍රේෂ්ඨාධිකරණයේ විනිසුරුවන් පස්දෙනකුගේ ධුර කාලය ඉකුත් සතියේ අවසන් වීමෙන් පසු එහි විනිසුරුධුර අඩක්ම පාහේ පුරප්පාඩු වි ඇති අතර මැතිවරණ කොමිසමට අදාළ ඉතිරි දෙදෙනා ද ලබන මාසයේ විශ්‍රාම යාමට නියමිත බව හා දැනටමත් තිදෙනකු විශ්‍රාම ගොස් ඇති බව පැවැසේ.

එහෙත් මේ වැදගත් තනතුරු පිරවීමට කිසිසේත් කළ නොහැකි වන බව නීති විශේෂඥයන් පවසන්නේ ඔවුන් ගේ පත්විම් සහතික කිරීමට බලපාන නිත්‍යනුකූල පාර්ලිමේන්තුවක් එරට නොපවත්නා බව පෙන්වා දෙමිනි.

මේ අතර රජයේ තීරණ සම්බන්ධයෙන් නීතිමය විග්‍රහ ඉදිරිපත් කරන ශ්‍රේෂ්ඨාධිකරණය හා අපරාධ අභියාචනාධිකරණයේ නඩු ‍ගොඩ ගැසී ඇති බවත් දිනකට නඩු 200ක් පමණ විභාග කෙරෙන බවත් පැවැසේ.

ඉදිරි 7 මාසය සඳහා අය-වැයක් සම්මත කරගෙන ඇතත් මාර්ග පාසල් හා රෝහල් ආදිය සඳහා දැ‍ඩි අවශ්‍යතාවක්ව පවතින රටක සංවර්ධන ව්‍යාපෘති සඳහා මුදල් වෙන් කිරීම් නොමැති වීම අර්බුදයක් වී පවතී. දානපති රටවල් පවසන්නේ ඔවුන් ස්ථිරසාර රජයක් යටතේ ආධාර ලබා දීමට වැඩි කැමැත්තක් දක්වන බවය.

ඉකුත් මැයි මාසයේ නේපාලයේ මාඕවාදීන්ගේ නායකත්වයෙන් යුත් රජය බිඳ වැටීමෙන් පසු එහි බාරකාර රජයක් පවතින අතර දෙසැම් බර් මස මැද පැවැත් වීමට නියමිත මහ මැතිවරණයට පූර්වයෙන් පවත්නා බාධක සමනය කරගත යුතුව ඇතැයි පැවැසේ. 

කත්මන්දු -ඒ.එ‍ෆ්.පි  
දිනමිණ ඇසුරින් පාකරන ලදී.
Share on :

0 comments:

Post a Comment

 
© Copyright Gurugedara Magazine 2012 - Some rights reserved | Powered by Gurugedara.
Template Design by Sandeepa Madushan | Published by Gurugedara Templates and Theme4all