මාතලේ මහ රෝහල් භූමියේ සමූහ මිනී වළෙන් ගොඩට ගත් හිස්‌
කබල් හා අස්‌ථි කොටස්‌ මීට වසර පනහකටත් පෙර එනම් 1956 දී
වසූරිය වසංගතයට ගොදුරුව මියගිය අයගේ කොටස්‌ යෑයි රහස්‌
පොලිසිය කළ පරීක්‌ෂණවලදී හෙළිකරගෙන තිබේ. 1956 දී පැතිරී
ගිය වසූරිය වැළඳුණු පිරිසක්‌ මෙලෙස රෝහල් භූමියේම මිහිදන්
කළ බව 1956 දී එම රෝහලේ සේවය කළ සේවකයකු රහස්‌ පොලිස්‌
කණ්‌ඩායමකට පවසා ඇත.
මහ රෝහල් භූමියේ ජීව වායු ඒකකයක්‌ ස්‌ථාපිත කිරීම සඳහා ගොඩනැගිල්ලක්‌ ඉදිකිරීමට බැකෝ යන්ත්‍ර යොදා භූමිය හාරද්දී මෙම අස්‌ථි සහ හිස්‌ කබල් කොටස්‌ හමුවී ඇත.
දැනට හිස්‌ කබල් හතළිස්‌ තුනකට වඩා මෙලෙස හමුවී ඇතැයි රහස්‌ පොලිස්‌ ප්‍රකාශකයෙක්‌ "දිවයින"ට පැවැසීය.
හේමන්ත රන්දුණු
දිවයින ඇසුරින් පලකරන ලදී.
0 comments:
Post a Comment