එක්‌සත් ජාතීන්ගේ මහ මණ්‌ඩල සැසිවාරයට සහභාගිවීම සඳහා ජනාධිපති මෛත්‍රීපාල සිරිසේන මහතා අද (23 වැනිදා) ඇමෙරිකාවේ නිව්යෝර්ක්‌ නුවර බලා පිටත්වීමට නියමිතය.
ජනාධිපති මෛත්‍රීපාල සිරිසේන මහතා ලබන 30 වැනිදා පෙරවරු 9.45 ට එක්‌සත් ජාතීන්ගේ මහ මණ්‌ඩල රැස්‌වීම අමතා කතා කිරීමට නියමිතය.
ඊට අමතරව ජනාධිපතිවරයා ඇමෙරිකානු ජනාධිපති බරක්‌ ඔබාමා සමඟත් ඔස්‌ටේ්‍රලියානු අගමැති මැල්කම් ටරික්‌බුල් මහතා සමඟත් ද්විපාර්ශ්වික සාකච්ඡා පැවැත්වීමට අපේක්‍ෂා කෙරේ.
ජනාධිපතිවරයා සමඟ විදේශ කටයුතු ඇමැති මංගල සමරවීර, අධිකරණ සහ බුද්ධ ශාසන ඇමැති විජයදාස රාජපක්‍ෂ, ඇමැති ඩී. එම්. ස්‌වාමිනාදන් යන මහත්වරුන් ඇතුළු ඇමැතිවරුන් 5 දෙනකු පමණ මෙම සංචාරය සඳහා එක්‌වීමට නියමිතය.
ඊට අමතරව නැගෙනහිර හා උතුර ආණ්‌ඩුකාරවරු ද මෙම සංචාරයට එක්‌වෙති.
0 comments:
Post a Comment