සුපිරි නළු ලෙනාඩෝ ඩි කැප්රියෝ ලෝක වන සත්ව අරමුදලේ වැඩ කටයුතු වලට උදව් කරන්නට
ඉදිරිපත් ව සිටිනවා. වන සතුන්ගේ අයිතිවාසිකම් රැක ගන්නටයි, ඔහු, තමන්ගේ දායකත්වය
ලබා දෙන්නේ. ලෝකයේ බොහෝ රටවල වන සතුන්ගේ ජීවිත මිනිසුන් විසින් විනාශ කරනු ලබන්නේ
ඔවුන්ගේ ශරීරාංග ලබා ගැනීමටයි. විශේෂයෙන් ම ව්‍යාඝ්‍රයින්, රයිනෝසිරස්, ඇතුන් වැනි
සතුන්ගේ සම, දළ සහ අං ලබා ගැනීම සඳහායි මෙවැනි කෲර ඝාතන සිදුවන්නේ. මෙය වළක්වා
ගැනීමේ අටියෙන් තම සහාය ලෝක වන සත්ව අරමුදලට ලබාදෙන බව ලෙනාඩෝ පසුගියදා ප්‍රකාශ
කළා. මේ වෙනුවෙන් ක්‍රියාත්මක වන, වැඩසටහන නම් කර ඇත්තේ’Hand
off My Parts’ යනුවෙන්.
පසුගිය දිනවල ලෝක නායකයන් ඇතුළු ප්‍රකට පුද්ගලයන්ට ඊ - මේල් පණිවුඩ යවමින් මේ
වැඩසටහනට ආධාර කරන්නැයි ලෙනාඩෝ ඉල්ලා සිටියා. ඒ අතර තායිලන්ත අගමැති යින්ග්ලක්
ෂිනවාත්‍රාට යැවූ පණිවුඩයෙන් ලෙනාඩෝ ඉල්ලා සිටියේ තායිලන්තයේ සිදු කෙරෙන ඇත්දළ
ජාවාරම වහාම තහනම් කරන ලෙසයි.
0 comments:
Post a Comment