සිකුරු, අඟහරු හා බ්‍රහස්පති යන ග්‍රහයන් නිරීක්ෂණය කරනු පිණිස පොළව වටා
කක්ෂගත වන අභ්‍යවකාශ දුරේක්ෂයක් අභ්‍යවකාශයට යැවීමට ජපානය සැරසේ.
එමගින් පෘථිවි වායුගෝලීය රහස් අනාවරණය කැර ගැනීම ද අදහස් කෙරේ.
ජපාන අභ්‍යවකාශ ගවේෂණ ඒජන්සිය මගින් මේ වසර අගදී අභ්‍යවකාශ ගත කිරීමට යන
චන්ද්‍රිකාවක රැඳවෙන පාර ජම්බුල දුරේක්ෂයක් මගින් සූර්ය ග්‍රහමණ්ඩලයේ අපේ
අසල්වැසි ග්‍රහයන් තිදෙනා වටකොට ඇති වායුගෝල ගැන නිරීක්ෂණය කෙරෙනු ඇතැයි
පැවැසේ.
විද්‍යාඥයින් විශ්වාස කරන්නේ එමගින් පෘථිවියේ ජීවිත පැවැත්මට ඉවහල්වන
වායුගෝලීය තත්ත්වයන් ගැන මනා අවබෝධයක් ලබාගත හැකි වනු ඇති බවය. ඒ සමගම
සූර්ය සුළං , බ්‍රහස්පතිගේ චුම්බක ගෝලය කෙරේ බලපෑමක් කෙරෙන්නේ ද යන්න අවබෝධ කර
ගැනීමට ද ඉන් හැකි වනු ඇතැයි අපේක්ෂිතය.
මේ චන්ද්‍රිකාව කිලෝග්‍රෑම් 320ක
බරකින් යුක්ත වන අතර එය පොළව වටා කිලෝමීටර 950-1150 අතර ඉලිප්සීය කක්ෂයක
ගමන්කරනු ඇතැයි බලධාරිහු කියති.
මේ දක්වා නමක් තබා නැති මේ දුරේක්ෂය මෙහෙය වනු ලබන විද්‍යාඥයින් ලබන වසරේදී
හබල් අභවකාශ දුරේක්ෂ සමගාමින් හා එක්ව බ්‍රහස්පති ග්‍රහයා ගැන නිරික්ෂයේ
යෙදෙන අතර එහිදි ලොව පුරා විද්‍යාඥයින් සතු දත්ත ද ඊට සහාය කර ගනු ඇතැයි පැවැසේ.
0 comments:
Post a Comment