පාකිස්තානයේ ක්වෙටා නගරයේදී මරාගෙන මැරෙන ප්‍රහාරයක්

ෂයිටිවරුන් 92ක් මරා දමලා

පාකිස්තානයේ වයඹ දිග ක්වෙටා නගරයේදි සිදුවු ද්විත්ව මරාගෙන මැරෙන ප්‍රහාර දෙකකින් ෂයිටිවරුන් 92 මිය ගොස් ඇතැයි වාර්තා වේ . පාකිස්තානයේ දි ෂයිටිවාදීන්ට එල්ල වූ දරුණුතම ප්‍රහාරය මෙයයි . 2012 වසර පාකිස්තානයේ ෂයිටිවාදින්ට මාරාන්තිකම වසර වු බව හියුමන් රයිට්ස් වෙච් සංවිධානය පවසයි . 

2012 දී මිය ගිය ෂයිටි සංඛ්‍යාව 400 කට අධික බවත් වැඩිදෙනෙක් ඝාතනය කරණු ලැබුවේ වෙඩි තැබිමෙන් බවත් වැඩිදුරටත් සඳහන් කර තිබේ .

මිලියන් 180 ක් වු පාකිස්තානයේ ජනතාවෙන් 20 %ක් වු ෂයිටි ජනයා ආරක්ෂා කර ගැනිමට රජය අපොහොසත් වි ඇති බවට ෂයිටි ජනතාව චෝදනා කරයි . මෑතදී පැවැත්වූ මත විමසුමකින් අනාවරණය වී ඇත්‍තේ පාකිස්තානුවන්ගෙන් 37 % ක් ෂයිටිවරුන් මුස්ලිම්වරුන් ලෙස නොසලකන බවයි . රටේ ආරක්ෂාව හමුදාව විසින් බාරගත යුතු බවට හඬනගමින් මිය ගිය අයගේ මළ සිරුරු බාරනොගන්නා ඥාතීහු විරෝධතාවක නියැලි සිටින බව සඳහන් වේ .