සිරියාවේ ඩැමස්කස් නගරයේ පෙරේදා ඇවිළී ගිය සටන්වලින් ළමයින් 26 දෙනකු මිය
ගොස් ඇතැයි හියුමන් රයිට්ස් වොච් සංවිධානය පවසයි.
මොවුන් මාස 6 සහ අවුරුදු 9
අතර පසුවෙන්නන් බව ද සඳහන්ය.
ජනාධිපති බෂා අල් අසාද් තහනමට ලක් වී ඇති පොකුරු බෝම්බ වැඩි වැඩියෙන් පාවිච්චි
කරන බව ද හියුමන් රයිට්ස් වොච් සංවිධානය චෝදනා කරයි.
කෙසේවෙතත් රජය පවසන්නේ
මෙම සිද්ධීන් ත්‍රස්තවාදී ප්‍රහාර නිසා සිදුවූ ඒවා බවයි.
මේ අනුව 2011 මාර්තු මාසයේදී සිරියා රාජ්‍ය විරෝධී අරගලය ඇරඹි දා පටන් 3500කට
අධික ළමයින් සංඛ්‍යාවක් මිය ගොස් ඇතැයි සිරියාවේ නිරීක්ෂණ මධ්‍යස්ථානය
පවසයි. මිගොස් ඇති සම්පූර්ණ සංඛ්‍යාව 60,000 ඉක්මවා ඇති අතර සඳුදා මිය ගිය
සංඛ්‍යාව 126ක් බව සඳහන් වේ.
සරණාගතයන් ලෙස අසල්වාසි රටවලට පැන ගිය
සංඛ්‍යාව 600,000 ඉක්මවා ඇත.
0 comments:
Post a Comment