Friday, November 23, 2012

ශ්‍රී ලාංකික පෙම්වතිය විවාහ කර ගැනීමට ඉන්දීය මේජර්ට අවසර ලැබේ

ඉන්දීය හමුදා මේජර් විකාශ් කුමාර්ට සිය ශ්‍රී ලාංකික පෙම්වතිය වන අර්හිලා රනමලී ගුණරත්න විවාහකර ගැනීමට අවස්‌ථාව හිමි වී ඇත. කර්නාටක මහාධිකරණය ලබාදුන් තීන්දුවට අනුව මේජර් විකාශ්ට රුපියල් 75,000 ක දඩයක්‌ ගෙවා හමුදාවෙන් ඉවත් වීමේ අවස්‌ථාව හිමි වී ඇත. කර්නාටක මහාධිකරණයේ විනිසුරු වික්‍රම්ජිත් සෙන් මෙම තීන්දුව  ප්‍රකාශයට පත් කර ඇත.


ඉන්දීය හමුදා නීතිය අනුව විදේශිකයකු විවාහකර ගැනීමට නොහැකි නිසා තමාට හමුදාවෙන් ඉල්ලා අස්‌වීමට අවසර දෙන මෙන් කර්නාටක මහාධිකරණයේ විකාශ් කුමාර් විසින් නඩුවක්‌ පවරා තිබිණි.

බැංගලෝරයේ ඉගෙනුම ලබන රනමලී ගුණරත්න ඉන්දීය මේජර්වරයා හා විවාහවීමට එකඟවු වත් සිය ශ්‍රී ලාංකික පුරවැසිභාවය වෙනස්‌ කිරීමට එකඟවූවේ නැත.

එම නිසා මේජර් විකාශ්ට හමුදාවෙන් ඉල්ලා අස්‌වීම සඳහා අධිකරණ ක්‍රියාමාර්ගයකට යැමට සිදුවිය. මොහුට ඉල්ලා අස්‌වීමට ඉඩදිය නොහැකි බව පවසමින් ඉන්දීය හමුදාව විසින් ඉදිරිපත් කර තිබූ ඇපෑල මහාධිකරණය මගින් ප්‍රතික්‍ෂේප කර ඇත.

කර්නාටක මහාධිකරණ විනිසුරුවරයා ප්‍රශ්න කර තිබුණේ හිටපු ඉන්දීය ජනපති කේ. ආර්. නාරායන්ට බුරුම කාන්තාවක විවාහ කරගැනීමට හැකියාව තිබුණා නම් මේ මේජර්වරයාට ඇති බාධාව කුමක්‌ ද යනුවෙනි.

 
චතුර පමුණුව
දිවයින ඇසුරින් පලකරන ලදී.
 
Share on :

0 comments:

Post a Comment

 
© Copyright Gurugedara Magazine 2012 - Some rights reserved | Powered by Gurugedara.
Template Design by Sandeepa Madushan | Published by Gurugedara Templates and Theme4all