2016 ඔලිම්පික් ජිම්නාස්ටික් පුහුණු
සංචිතයේ ක්‍රීඩකයින් හය දෙනා අතරට කොළඹ, වේළුවන විද්‍යාලයේ 9 වසර ඉගෙනුම
ලබන 14 හැවිරිදි කේ. හංස ගයාෂාන් තේරී පත්ව ඇත. හංස ගයාෂාන් තුන්වන
ශ්‍රේණියේ සිට ජිම්නාස්ටික් ක්‍රීඩාව සඳහා යොමුවී ඇති අතර, ජාතික පාසල්
බස්නාහිර පළාත් 2011 තරගාවලියේදී දෙවන හා තුන්වන ස්ථානද, 2012 වසරේ දෙවන
ස්ථාන දෙකක්ද, තුන්වන ස්ථානයක්ද ලබාගෙන ඇත.
2011 සමස්ත ලංකා තරගාවලියේදී දෙවන හා තුන්වන ස්ථානය ලබාගෙන ඇති හංස 2012
වයස අවුරුදු 15න් පහළ සමස්ත ලංකා ශූරයා වෙමින් ප්‍රථම ස්ථාන දෙකක් හා දෙවන
ස්ථානයද, තුන්වන ස්ථානයක් ද දිනාගෙන තිබේ. දැනට ශ්‍රී ලංකා ජිම්නාස්ටික්
ජාතික කනිෂ්ඨ සංචිතය නියෝජනය කරන හංස ගයාෂාන් 2016 ඔලිම්පික් පුහුණු
සංචිතයට එක් වී තිබේ. ඒ අනුව ඔහු ජපාන ජාතික ජිම්නාස්ටික් උපදේශක කුගුමයා
මුනහිරු මහතා යටතේ ජාතික පුහුණු මධ්‍යස්ථානයේ පුහුණුවීම් කටයුතු කරනු ලබයි.
හංස ගයාෂාන්ගේ එකම බලා‍පොරොත්තුව 2016 ඔලිම්පික් ජිම්නාස්ටික් කණ්ඩායමට
ඇතුළු වීම බව පවසා ඇත.
ලක්බිම පුවත් පත ඇසුරින් උපුටා ගන්න ලදී.
0 comments:
Post a Comment