මාර්ග බලපත්‍ර නොමැතිව ධාවනය කරනු ලබන බස් රථවලට පනවා ඇති රුපියල් 10,000 ක දඩ මුදල රුපියල් ලක්ෂයක් දක්වා වැඩි කිරීමට කටයුතු කරන බව ප්‍රවාහන අමාත්‍ය නිමල් සිරිපාල ද සිල්වා මහතා පවසයි. රුපියල් 10,000ක දඩ මුදල ප්‍රමාණවත් නොවන බවත් එම නිසා අවශ්‍ය පනත් සංශෝධන කඩිනමින් ගෙන එනු ලබන බවත් ඇමැතිවරයා කීය.
රජයේ නිලධාරීන්ගේ මෙන් ම දේශපාලනඥයන්ගේ ද බස් රථ රැසක් මාර්ග බලපත්‍ර නොමැතිව ධාවනය කරනු ලබන බවත් මේ වන විට උතුරු පළාතේ බස්රථ 90ක් මාර්ග බලපත්‍ර නොමැතිව ධාවනය කරනු ලබන බව හඳුනාගෙන තිබේ. එම බස් රථ වහාම අත්අඩංගුවට ගැනීමට අමාත්‍යවරයා උපදෙස් දී ඇත.
0 comments:
Post a Comment