- ආදරණීය ගායන ශිල්පී නිහාල් නෙල්සන්
අවුරුදු පනහක්‌.... සුළු කාලයක්‌ද... කලාකරුවෙක්‌ අවුරුදු
පනහක්‌ තිස්‌සේ එක සේ ජනප්‍රියත්වය ලබමින්... ක්‌ෂේත්‍රයේ රැඳී
සිටිනවා නම් ඒ කිහිප දෙනෙක්‌ පමණයි.
ලස්‌සනට පිපුණ වනමල් ගල්
පිරෙන දියවැල්
මං ආස කරන මැණික්‌ කැටේ නිල්
දුර ඈත කැලේ ගල් ගුහාවක ගෙවනව කල්
ලස්‌සන මගෙ කිරිල්ලි සුරතල්...
අවුරුදු පනහකට කලින් ගැයූ මුල්ම ගීය... එදා මෙන්ම අදත් එලෙසම ගයන ගායකයෙක්‌ සිටී නම්... ඒ නිහාල් නෙල්සන්ම පමණි.
නිහාල් නෙල්සන් ගී ලොවට ආවේ සරත් මුණසිංහ ලියා ආර්. ඒ. චන්ද්‍රසේනයන් සංගීතවත් කළ "ලස්‌සනට පිපුණ වන මල් ගල්" ගීයෙනි. එහි තනුවද නිහාල්ගේය. එදා මේ ගීය ලියූ සරත් මුණසිංහ අද මීගහවෙල සුමන ශාන්ත හිමි නමින් පැවිදිවී ගිරිඋල්ල මහා විහාරයේ වැඩවසති. එදා සිට මේ දක්‌වා නිහාල් නෙල්සන් ගැයූ ගීත සංඛ්‍යාව පන්දහසකට අධිකය.
මොරටුව රාවතාවත්ත රෝමානු කතෝලික මිශ්‍ර පාසලේ සහ මොරටු මහා විද්‍යාලයේ ශිල්ප හැදැරූ කාලයේ පටන් කවි ගීත ගැයූ නිහාල් නෙල්සන්ට එක්‌තරා දිනෙක මංගල උත්සවයකදී ඒ. ඡේ. කරීම් ප්‍රවීණ ගායන ශිල්පියා හමුවිය. එම මංගල සාදයේදී නිහාල් ගී ගැයුවේ කරීම්ගේ සංගීතයටය.
නිහාල් කෙරෙහි පැහැදුණු කරීම් කැන්ඩි ලේක්‌ ක්‌ලබ්හි ප්‍රසංගවල ගී ගයන්නට ඔහු කැඳවාගෙන ගියේය. එම ප්‍රසංගවල නිවේදන කටයුතු කළේ කරුණාරත්න අබේසේකරයන්ය. ඔහු නිහාල්ට ගුවන්විදුලියේ ගී ගයන්නට ඉඩකඩ විවර කර දුන්නේය. ඒ අනුව ලස්‌සනට පිපුණ ගීය ගැයිණි. ඒ 1963 මාර්තු 31 දා ඒ ගීය පළමුවරට ගුවන්විදුලියේ ප්‍රචාරය විය.
එදා සිට අද දක්‌වා ගතවූ කාලය වසර පනහකි. මේ වන විට ජන හදවත්වල ලැගුම් ගෙන සිටින නිහාල් ගැයූ කරුණා සුවඳ තවරාලූ... හදපියුමේ... මවු ගුණ ගීය, ඔරු පදින්න, සල්ලි මිටි ගණන්, ඇරපන් කරාමේ, කුක්‌කු කූක්‌ කූ... වැනි ගීත රැසක්‌ ඉතා ජනප්‍රිය විය. "ගුණෙ අයියගෙ බජව් දාන කාමරේ..." ඔහු ගැයූ ඒ ගීය එකල බොහෝ සේ කතාබහට ලක්‌විය.
කිරි දුන්නේ දරුවන්ටයි සිරුරින් ඈගේ
පිරිපුන් මිනිසුන් වැඩුණේ බලයෙනි ඈගේ
ඒ කළගුණ නොදන්න හිස්‌ මිනිසුන් වාගේ
එපා එපා මස්‌ කන්නට කිරි අම්මාගේ...
නිහාල් මේ ගීය ගැයූ පසු ගවමස්‌ කෑම අත්හැරි පිරිස ඉතා විශාලය.
නිහාල් නෙල්සන් යනු කෙළින් කතා කරන හිත හොඳ මිනිසෙක්‌ බව ප්‍රකටය. ගතවූ වසර පනහ තුළ සාධාරණ මෙන්ම අසාධාරණ විවේචනයන්ටද මුහුණ දෙමින් ඉදිරියටම ගමන් කරන නිහාල් නෙල්සන් "ඔරු පදින්න පහළ ගඟට එන්න යන්න මාලී" ගීයේ සඳහන් මාලි සමඟ විවාපත් වූවේය. නිහාල්ගේ එකම පුතා කාංචන තරංග නෙල්සන් ගුවන්විදුලියේ ශබ්ද පරිපාලකවරයෙකි.... ගැයුමට හා සංගීතයට දස්‌කම් දක්‌වන්නෙකි.
නිහාල් නෙල්සන් ගායකයෙකු පමණක්‌ද... නැත... ඔහු ගීත නිබන්ධකයෙකි. සං ගිතඥයෙකි. නිහාල් නෙල්සන්... තමන්ට වඩා ප්‍රවීණයෙකු බව ප්‍රවීණ සංගීතඥ, ගායක වික්‌ටර් රත්නායකයෝ නිහතමානිව පවසති. එදා නිහාල්ගේ පළමු ගීයට වයලිනය වයමින් වික්‌ටර්ද සහභාගි වී ඇත.
නිහාල් නෙල්සන් ක්ෂේත්රයට පැමිණ වසර පනහක්‌ නිමිත්තෙන් "වසර පනහයි නිsහාල් ඇවිත්" නමින් ප්‍රසංගයක්‌ මෙම 15 වැනිදා සවස 6.00 ට මියුසියස්‌ විද්‍යාලයීය රඟහලේදී පවත්වනු ලබයි. සංගීතවත් කරන්නේ 'සන්µaලවර්'ය. කථනය තිලක්‌ කුමාර රත්නායකය. ප්‍රසංග පිටපත ආනන්ද පද්මසිරිය. වේදිකා පරිපාලනය රෝහණ හෙට්‌ටිආරච්චිය. "ටොරානා" අධිපති සරත් කොතලාවල විසින් මෙදින නිහාල් නෙල්සන් ගැයූ නවතම ගී ඇතුළත් සංගීත තැටියද එළිදක්‌වනු ලබයි. වසර පනහයි නිහාල් ඇවිත්... ප්‍රසංගය ඉදිරිපත් කරන්නේද සරත් කොතලාවලය.
තමන්ටම ආවේණික ශෛලියක්‌ හදාගත් නිහාල් නෙල්සන්... මාධ්‍ය සමග කවදත් සමීප ඇසුරක්‌ පවත්වන්නෙකි. මාධ්‍ය හිරිහැරයක්‌ කර නොගත් නිහාල් මාධ්‍යටද හිරිහැරයක්‌ නොවන්නෙකි. මේ නිහාල් නෙල්සන් ප්‍රවීණ ශිල්පියා සමග කළ සාකච්ඡාවකි.
ගතවූ අවුරුදු පනහ ගැන මොනවද හිතෙන්නේ?
මේ තරම් කාලයක්‌ එකම විදිහට ජනප්‍රියත්වය රඳවාගැනීමට වාසනාව ලැබුණා... ඒ මගේ ගීතවලින් රසිකයා අවංකවම සතුටක්‌ වින්ද නිසා. ලස්‌සනට පිපුණ වනමල්... මගේ පළමු ගීය දැන් ඒ ගීයටත් අවුරුදු පනහයි... ඒත් ඒ ගීය අද දක්‌වා පරම්පරා කීපයක්‌ රසවිඳීම තරම් සතුටක්‌ තව තියෙනවද...ඒ තමයි රසිකයා මට දක්‌වන ආදරය. ඒ ආදරය ගතවූ අවුරුදු පනහම වින්දා. ඉදිරියේදීත් රසිකයා මට ආදරය කරන බවට සැකයක්‌ නෑ...
මේ ශාලාවක්‌ තුළ ඔබ පවත්වන පළමු ප්‍රසංගය?
ශාලාවක විතරක්‌ද... මගේම කියලා ගීත ප්‍රසංගයක්‌ කරන පළමු අවස්‌ථාව... එළිමහන් ගීත ප්‍රසංගනේ මගේ මහගෙදර. ශාලාවක කරන නිසා හොඳින් කළ යුතුයි. අපේ සමාජයේ ඉන්නා විවිධ කලාකරුවන් සහ ජනතාව මේ ප්‍රසංගය රසවිඳින්න එනවා... මා ගැන මෙතෙක්‌ නොදැන සිටි අයත් ඒවි.
ශාලාවක හිඳ රසවිඳිය හැකි ගීතද නිහාල් නෙල්සන් ගයා තිබෙන්නේ කියා කවුරු හරි ඇහුවොත්?
මම එහෙම ගීතත් ගයලා තිබෙනවා. මගේ ගීත එළිමහන් ප්‍රසංගවල විතරක්‌ නොවේ ශාලාවලත් ගයන්න පුළුවන් කියලා මට පෙන්නුම් කරන්න ඕනේ. එළිමහන් ප්‍රසංග වේදිකාව පහත් කර සලකන්න එපා කියා මම ඉල්ලනවා... එළිමහන් ප්‍රසංගයත්, ශාලාවක්‌ තුළ පවත්වන ප්‍රසංගයත් වෙනසක්‌ නෑ... ඒ බව මට පෙන්වන්න වුවමනායි. ගීයක්‌ විඳින්න එන අයට ඕනෑම තැනක එය රසවිඳින්න පුළුවන්.
ඔබේ ගීතවලට එළිමහන් ප්‍රසංගවලදී තරුණ පිරිස්‌ නටනවා. ඒ විදිහටම මෙහිදීත් සිදුවේ. ඒක එහෙම වුණොත් මට කරන්න දෙයක්‌ නෑ..
ඒ විදිහට ගී රසවිඳිය හැකිද?
රසවිඳින කෙනාට සද්ද බද්ද ඝෝෂා තිබුණත් නියම රසය විඳින්න පුළුවන්. සවස පහට පිටකොටුව බෝගහ අසල කොතරම් සෙනඟක්‌ ගැවසෙනවද කියලා ඔබට කියන්න ඕනෑ නැහැ නේ. ඒ වෙලාවට එතැන ඉඳලා මට ගීයක්‌ ලියලා මෙලඩි එකක්‌ දාලා ගායනා කරන්න මට පුළුවන්. ඒ ගීය ජනප්‍රිය වෙන බවත් විශ්වාසයි. ඒක තමයි විඳීම.
ඔබ කෙළින් කතාකරන ගායකයෙක්‌... බය නැද්ද?
මොනවට බය වෙන්නද... මම බය නෑ....
ඒ නිසා ඔබට පාඩුවක්‌ වෙලා නැද්ද?
පාඩු වුණත් නැතත්, මම කිව යුතු දේ කෙළින්ම කියන කෙනෙක්‌... පාඩු ලාභ මට වැඩක්‌ නෑ. නිතරම මම බලන්නේ සත්‍ය හෙළිකරන්න.
මේ නිසා ඔබ සමග අමනාප වෙන අය ඇති නේ?
මම යම් වරදක්‌ පෙන්වූවාම ඒ වෙලාවේ අමනාප වේවි.... ඒත් මා සමග තවම එහෙම කිසිම කෙනෙක්‌ අමනාප වෙලා නෑ.... පසුව ඔවුන් හරි වැරැද්ද තේරුම් ගන්නවා.. වරද දුටු තැන නිකං ඉඳලා මට පුරුද්දක්‌ නෑ. කවුරු හරි මගේ වරදක්‌ කිව්වොත් මම ඒ ගැන හොඳට හිතනවා. ඇත්තටම මම වැරදි නම් ගෞරව පූර්වකව ඒ වරද හදාගන්නවා... වරද පෙන්වා දුන් පුද්ගලයාට එළව එළවා පහර දෙන සිරිත් මගේ නෑ. ඊර්ෂ්‍යාව, වෛරය, ක්‍රෝධය මාන්නය මගේ ළඟ නෑ... තමන්ගේ ප්‍රතිපත්තිය නිවැරදි බව සහතික නම් කිසිම ලොක්‌කෙක්‌ ළඟ ඇඹරෙන්න වුවමනා නෑ.
ඔබේ පුතා කාංචන ගී ගයනවාට විරුද්ධ නැද්ද?
නෑ... ඒත් එයා ගායනා කරලා නෑ... මම කියන්නේ ගායනා කරනවා නම් මගේ ගීත ගයන්න එපා... අනෙක නිහාල් නෙල්සන්ගේ පුතා කියමින් රසිකයන් අතරට යන්නත් එපා කියලා. හේතුව මට ප්‍රිය නොකරන පිරිසක්‌ අපේ රටේ ඉන්න නිසා. ඒ අය මගේ ළමයා එක්‌කත් තරහා වේවි... ඒ වගේම මා සමඟ ඉන්න අය... මගේ පුතා නිසාම එයාව අගය කරනවා... වැරදි විදිහට ගායනා කළත් හොඳට ගයනවා කියලා කියයි.... ඒ නිසා මම පුතාට කියන්නේ ගීත ගයනවා නම් අලුත් නිර්මාණ කරන්න.... එතකොට මිනිස්‌සු ආදරය කරයි... මගේ පුතා මම කියන දේ අහනවා. මම අතිජාත පුත්‍රයෙක්‌ මිසක්‌ අවජාත හෝ අනුජාත පුතෙක්‌ හදලා නෑ.
පියාගේ ගී ගයන පුත්තුන්ට ඔබ දොස්‌ කියනවද?
නෑ.... අද අනන්තවත් තාත්තලාගේ ගීත පුත්තු ගයනවා. දොස්‌ කියන්න බෑ... ඕනෑම මවක්‌ සහ පියෙක්‌ කරන්නේ දරුවන් උදෙසා ධනය රැස්‌කිරීම සහ ඒ රැස්‌කළ ධනය දරුවන්ට ඉතිරි කර යැමයි. ඉතින් කලාකරුවෙකුගේ ධනය තමයි ඔහු හෝ ඇය කළ නිර්මාණ. ඒවා දරුවන්ට අයිතියි... ඒත් ඒ දරුවෝ කල්පනා කළ යුතුයි ඒ ධනය විනාශ කරනවද නැද්ද කියලා... ඒ ධනය යහපත් ලෙස පාවිච්චි කළොත් හොඳයි.
අද තරුණ පරපුර ගැන....
හොඳයි නරක නෑ... මා එක්‌ක හැම කෙනෙක්‌ම හොඳයි. නූතන පරපුරට ප්‍රවීණ අය උදව් කළ යුතුයි. ප්‍රවීණයනුත් අලුත් පරපුරට හොඳ උපදෙසක්‌ ලබා දෙනවා නම් නොපැකිළිව එය භාරගත යුතුයි.
අද කලා ක්‌ෂේත්‍රය ගැන ඔබට සතුටුද?
ගායක ගායිකාවන්ට කලාකරුවන්ට විශ්‍රාම වැටුප්, අර්ථසාධක නෑ... ස්‌ථිර ආදායම් මාර්ග නෑ... ඒත් රජයට ගෙවිය යුතු ගෙවීම් ඔවුන් හිඟ නැතිව මාසිකව ගෙවනවා... ලයිට්‌ බිල්, වරිපනම්, වතුර බිල් දුරකථන බිල් නොපමාව ගෙවනවා. කෑම බීමට, බේත් හේත්වලට ගෙවනවා... කලාකරුවන් කිසි කෙනෙක්‌ ලයිට්‌ කපා ගත්තේ නෑ... වතුර බිල් නොගෙවා වතුර කපා ගත්තේ නෑ. අපි ආණ්‌ඩුවට සලකන්නේ එහෙමයි.... ඒත් කලාකරුවාට... කලා ක්ෂේත්රයට මොනවද වෙලා තියෙන්නේ... කලා ක්ෂේත්රයට යමක්‌ කළොත් එහි ප්‍රතිලාභ ඉබේම කලාකරුවාට ලැබේවි.
ඔබ තෘප්තිමත්ද?
ඔව්... මම කලා ක්‌ෂේත්‍රය තුළ බයත් නෑ.... ණයත් නෑ... මගේ ගමන පාඩුවේ යනවා.... මා කළ යුතු දේ කර තිබෙනවා.
ලස්‌සනට පිපුණ වනමල් ගල්
පිරෙන දියවැල්
මං ආස කරන මැණික්‌ කැටේ නිල්
දුර ඈත කැලේ ගල් ගුහාවක ගෙවනව කල්
ලස්‌සන මගෙ කිරිල්ලි සුරතල්...
අවුරුදු පනහකට කලින් ගැයූ මුල්ම ගීය... එදා මෙන්ම අදත් එලෙසම ගයන ගායකයෙක්‌ සිටී නම්... ඒ නිහාල් නෙල්සන්ම පමණි.
නිහාල් නෙල්සන් ගී ලොවට ආවේ සරත් මුණසිංහ ලියා ආර්. ඒ. චන්ද්‍රසේනයන් සංගීතවත් කළ "ලස්‌සනට පිපුණ වන මල් ගල්" ගීයෙනි. එහි තනුවද නිහාල්ගේය. එදා මේ ගීය ලියූ සරත් මුණසිංහ අද මීගහවෙල සුමන ශාන්ත හිමි නමින් පැවිදිවී ගිරිඋල්ල මහා විහාරයේ වැඩවසති. එදා සිට මේ දක්‌වා නිහාල් නෙල්සන් ගැයූ ගීත සංඛ්‍යාව පන්දහසකට අධිකය.
මොරටුව රාවතාවත්ත රෝමානු කතෝලික මිශ්‍ර පාසලේ සහ මොරටු මහා විද්‍යාලයේ ශිල්ප හැදැරූ කාලයේ පටන් කවි ගීත ගැයූ නිහාල් නෙල්සන්ට එක්‌තරා දිනෙක මංගල උත්සවයකදී ඒ. ඡේ. කරීම් ප්‍රවීණ ගායන ශිල්පියා හමුවිය. එම මංගල සාදයේදී නිහාල් ගී ගැයුවේ කරීම්ගේ සංගීතයටය.
නිහාල් කෙරෙහි පැහැදුණු කරීම් කැන්ඩි ලේක්‌ ක්‌ලබ්හි ප්‍රසංගවල ගී ගයන්නට ඔහු කැඳවාගෙන ගියේය. එම ප්‍රසංගවල නිවේදන කටයුතු කළේ කරුණාරත්න අබේසේකරයන්ය. ඔහු නිහාල්ට ගුවන්විදුලියේ ගී ගයන්නට ඉඩකඩ විවර කර දුන්නේය. ඒ අනුව ලස්‌සනට පිපුණ ගීය ගැයිණි. ඒ 1963 මාර්තු 31 දා ඒ ගීය පළමුවරට ගුවන්විදුලියේ ප්‍රචාරය විය.
එදා සිට අද දක්‌වා ගතවූ කාලය වසර පනහකි. මේ වන විට ජන හදවත්වල ලැගුම් ගෙන සිටින නිහාල් ගැයූ කරුණා සුවඳ තවරාලූ... හදපියුමේ... මවු ගුණ ගීය, ඔරු පදින්න, සල්ලි මිටි ගණන්, ඇරපන් කරාමේ, කුක්‌කු කූක්‌ කූ... වැනි ගීත රැසක්‌ ඉතා ජනප්‍රිය විය. "ගුණෙ අයියගෙ බජව් දාන කාමරේ..." ඔහු ගැයූ ඒ ගීය එකල බොහෝ සේ කතාබහට ලක්‌විය.
කිරි දුන්නේ දරුවන්ටයි සිරුරින් ඈගේ
පිරිපුන් මිනිසුන් වැඩුණේ බලයෙනි ඈගේ
ඒ කළගුණ නොදන්න හිස්‌ මිනිසුන් වාගේ
එපා එපා මස්‌ කන්නට කිරි අම්මාගේ...
නිහාල් මේ ගීය ගැයූ පසු ගවමස්‌ කෑම අත්හැරි පිරිස ඉතා විශාලය.
නිහාල් නෙල්සන් යනු කෙළින් කතා කරන හිත හොඳ මිනිසෙක්‌ බව ප්‍රකටය. ගතවූ වසර පනහ තුළ සාධාරණ මෙන්ම අසාධාරණ විවේචනයන්ටද මුහුණ දෙමින් ඉදිරියටම ගමන් කරන නිහාල් නෙල්සන් "ඔරු පදින්න පහළ ගඟට එන්න යන්න මාලී" ගීයේ සඳහන් මාලි සමඟ විවාපත් වූවේය. නිහාල්ගේ එකම පුතා කාංචන තරංග නෙල්සන් ගුවන්විදුලියේ ශබ්ද පරිපාලකවරයෙකි.... ගැයුමට හා සංගීතයට දස්‌කම් දක්‌වන්නෙකි.
නිහාල් නෙල්සන් ගායකයෙකු පමණක්‌ද... නැත... ඔහු ගීත නිබන්ධකයෙකි. සං ගිතඥයෙකි. නිහාල් නෙල්සන්... තමන්ට වඩා ප්‍රවීණයෙකු බව ප්‍රවීණ සංගීතඥ, ගායක වික්‌ටර් රත්නායකයෝ නිහතමානිව පවසති. එදා නිහාල්ගේ පළමු ගීයට වයලිනය වයමින් වික්‌ටර්ද සහභාගි වී ඇත.
නිහාල් නෙල්සන් ක්ෂේත්රයට පැමිණ වසර පනහක්‌ නිමිත්තෙන් "වසර පනහයි නිsහාල් ඇවිත්" නමින් ප්‍රසංගයක්‌ මෙම 15 වැනිදා සවස 6.00 ට මියුසියස්‌ විද්‍යාලයීය රඟහලේදී පවත්වනු ලබයි. සංගීතවත් කරන්නේ 'සන්µaලවර්'ය. කථනය තිලක්‌ කුමාර රත්නායකය. ප්‍රසංග පිටපත ආනන්ද පද්මසිරිය. වේදිකා පරිපාලනය රෝහණ හෙට්‌ටිආරච්චිය. "ටොරානා" අධිපති සරත් කොතලාවල විසින් මෙදින නිහාල් නෙල්සන් ගැයූ නවතම ගී ඇතුළත් සංගීත තැටියද එළිදක්‌වනු ලබයි. වසර පනහයි නිහාල් ඇවිත්... ප්‍රසංගය ඉදිරිපත් කරන්නේද සරත් කොතලාවලය.
තමන්ටම ආවේණික ශෛලියක්‌ හදාගත් නිහාල් නෙල්සන්... මාධ්‍ය සමග කවදත් සමීප ඇසුරක්‌ පවත්වන්නෙකි. මාධ්‍ය හිරිහැරයක්‌ කර නොගත් නිහාල් මාධ්‍යටද හිරිහැරයක්‌ නොවන්නෙකි. මේ නිහාල් නෙල්සන් ප්‍රවීණ ශිල්පියා සමග කළ සාකච්ඡාවකි.
ගතවූ අවුරුදු පනහ ගැන මොනවද හිතෙන්නේ?
මේ තරම් කාලයක්‌ එකම විදිහට ජනප්‍රියත්වය රඳවාගැනීමට වාසනාව ලැබුණා... ඒ මගේ ගීතවලින් රසිකයා අවංකවම සතුටක්‌ වින්ද නිසා. ලස්‌සනට පිපුණ වනමල්... මගේ පළමු ගීය දැන් ඒ ගීයටත් අවුරුදු පනහයි... ඒත් ඒ ගීය අද දක්‌වා පරම්පරා කීපයක්‌ රසවිඳීම තරම් සතුටක්‌ තව තියෙනවද...ඒ තමයි රසිකයා මට දක්‌වන ආදරය. ඒ ආදරය ගතවූ අවුරුදු පනහම වින්දා. ඉදිරියේදීත් රසිකයා මට ආදරය කරන බවට සැකයක්‌ නෑ...
මේ ශාලාවක්‌ තුළ ඔබ පවත්වන පළමු ප්‍රසංගය?
ශාලාවක විතරක්‌ද... මගේම කියලා ගීත ප්‍රසංගයක්‌ කරන පළමු අවස්‌ථාව... එළිමහන් ගීත ප්‍රසංගනේ මගේ මහගෙදර. ශාලාවක කරන නිසා හොඳින් කළ යුතුයි. අපේ සමාජයේ ඉන්නා විවිධ කලාකරුවන් සහ ජනතාව මේ ප්‍රසංගය රසවිඳින්න එනවා... මා ගැන මෙතෙක්‌ නොදැන සිටි අයත් ඒවි.
ශාලාවක හිඳ රසවිඳිය හැකි ගීතද නිහාල් නෙල්සන් ගයා තිබෙන්නේ කියා කවුරු හරි ඇහුවොත්?
මම එහෙම ගීතත් ගයලා තිබෙනවා. මගේ ගීත එළිමහන් ප්‍රසංගවල විතරක්‌ නොවේ ශාලාවලත් ගයන්න පුළුවන් කියලා මට පෙන්නුම් කරන්න ඕනේ. එළිමහන් ප්‍රසංග වේදිකාව පහත් කර සලකන්න එපා කියා මම ඉල්ලනවා... එළිමහන් ප්‍රසංගයත්, ශාලාවක්‌ තුළ පවත්වන ප්‍රසංගයත් වෙනසක්‌ නෑ... ඒ බව මට පෙන්වන්න වුවමනායි. ගීයක්‌ විඳින්න එන අයට ඕනෑම තැනක එය රසවිඳින්න පුළුවන්.
ඔබේ ගීතවලට එළිමහන් ප්‍රසංගවලදී තරුණ පිරිස්‌ නටනවා. ඒ විදිහටම මෙහිදීත් සිදුවේ. ඒක එහෙම වුණොත් මට කරන්න දෙයක්‌ නෑ..
ඒ විදිහට ගී රසවිඳිය හැකිද?
රසවිඳින කෙනාට සද්ද බද්ද ඝෝෂා තිබුණත් නියම රසය විඳින්න පුළුවන්. සවස පහට පිටකොටුව බෝගහ අසල කොතරම් සෙනඟක්‌ ගැවසෙනවද කියලා ඔබට කියන්න ඕනෑ නැහැ නේ. ඒ වෙලාවට එතැන ඉඳලා මට ගීයක්‌ ලියලා මෙලඩි එකක්‌ දාලා ගායනා කරන්න මට පුළුවන්. ඒ ගීය ජනප්‍රිය වෙන බවත් විශ්වාසයි. ඒක තමයි විඳීම.
ඔබ කෙළින් කතාකරන ගායකයෙක්‌... බය නැද්ද?
මොනවට බය වෙන්නද... මම බය නෑ....
ඒ නිසා ඔබට පාඩුවක්‌ වෙලා නැද්ද?
පාඩු වුණත් නැතත්, මම කිව යුතු දේ කෙළින්ම කියන කෙනෙක්‌... පාඩු ලාභ මට වැඩක්‌ නෑ. නිතරම මම බලන්නේ සත්‍ය හෙළිකරන්න.
මේ නිසා ඔබ සමග අමනාප වෙන අය ඇති නේ?
මම යම් වරදක්‌ පෙන්වූවාම ඒ වෙලාවේ අමනාප වේවි.... ඒත් මා සමග තවම එහෙම කිසිම කෙනෙක්‌ අමනාප වෙලා නෑ.... පසුව ඔවුන් හරි වැරැද්ද තේරුම් ගන්නවා.. වරද දුටු තැන නිකං ඉඳලා මට පුරුද්දක්‌ නෑ. කවුරු හරි මගේ වරදක්‌ කිව්වොත් මම ඒ ගැන හොඳට හිතනවා. ඇත්තටම මම වැරදි නම් ගෞරව පූර්වකව ඒ වරද හදාගන්නවා... වරද පෙන්වා දුන් පුද්ගලයාට එළව එළවා පහර දෙන සිරිත් මගේ නෑ. ඊර්ෂ්‍යාව, වෛරය, ක්‍රෝධය මාන්නය මගේ ළඟ නෑ... තමන්ගේ ප්‍රතිපත්තිය නිවැරදි බව සහතික නම් කිසිම ලොක්‌කෙක්‌ ළඟ ඇඹරෙන්න වුවමනා නෑ.
ඔබේ පුතා කාංචන ගී ගයනවාට විරුද්ධ නැද්ද?
නෑ... ඒත් එයා ගායනා කරලා නෑ... මම කියන්නේ ගායනා කරනවා නම් මගේ ගීත ගයන්න එපා... අනෙක නිහාල් නෙල්සන්ගේ පුතා කියමින් රසිකයන් අතරට යන්නත් එපා කියලා. හේතුව මට ප්‍රිය නොකරන පිරිසක්‌ අපේ රටේ ඉන්න නිසා. ඒ අය මගේ ළමයා එක්‌කත් තරහා වේවි... ඒ වගේම මා සමඟ ඉන්න අය... මගේ පුතා නිසාම එයාව අගය කරනවා... වැරදි විදිහට ගායනා කළත් හොඳට ගයනවා කියලා කියයි.... ඒ නිසා මම පුතාට කියන්නේ ගීත ගයනවා නම් අලුත් නිර්මාණ කරන්න.... එතකොට මිනිස්‌සු ආදරය කරයි... මගේ පුතා මම කියන දේ අහනවා. මම අතිජාත පුත්‍රයෙක්‌ මිසක්‌ අවජාත හෝ අනුජාත පුතෙක්‌ හදලා නෑ.
පියාගේ ගී ගයන පුත්තුන්ට ඔබ දොස්‌ කියනවද?
නෑ.... අද අනන්තවත් තාත්තලාගේ ගීත පුත්තු ගයනවා. දොස්‌ කියන්න බෑ... ඕනෑම මවක්‌ සහ පියෙක්‌ කරන්නේ දරුවන් උදෙසා ධනය රැස්‌කිරීම සහ ඒ රැස්‌කළ ධනය දරුවන්ට ඉතිරි කර යැමයි. ඉතින් කලාකරුවෙකුගේ ධනය තමයි ඔහු හෝ ඇය කළ නිර්මාණ. ඒවා දරුවන්ට අයිතියි... ඒත් ඒ දරුවෝ කල්පනා කළ යුතුයි ඒ ධනය විනාශ කරනවද නැද්ද කියලා... ඒ ධනය යහපත් ලෙස පාවිච්චි කළොත් හොඳයි.
අද තරුණ පරපුර ගැන....
හොඳයි නරක නෑ... මා එක්‌ක හැම කෙනෙක්‌ම හොඳයි. නූතන පරපුරට ප්‍රවීණ අය උදව් කළ යුතුයි. ප්‍රවීණයනුත් අලුත් පරපුරට හොඳ උපදෙසක්‌ ලබා දෙනවා නම් නොපැකිළිව එය භාරගත යුතුයි.
අද කලා ක්‌ෂේත්‍රය ගැන ඔබට සතුටුද?
ගායක ගායිකාවන්ට කලාකරුවන්ට විශ්‍රාම වැටුප්, අර්ථසාධක නෑ... ස්‌ථිර ආදායම් මාර්ග නෑ... ඒත් රජයට ගෙවිය යුතු ගෙවීම් ඔවුන් හිඟ නැතිව මාසිකව ගෙවනවා... ලයිට්‌ බිල්, වරිපනම්, වතුර බිල් දුරකථන බිල් නොපමාව ගෙවනවා. කෑම බීමට, බේත් හේත්වලට ගෙවනවා... කලාකරුවන් කිසි කෙනෙක්‌ ලයිට්‌ කපා ගත්තේ නෑ... වතුර බිල් නොගෙවා වතුර කපා ගත්තේ නෑ. අපි ආණ්‌ඩුවට සලකන්නේ එහෙමයි.... ඒත් කලාකරුවාට... කලා ක්ෂේත්රයට මොනවද වෙලා තියෙන්නේ... කලා ක්ෂේත්රයට යමක්‌ කළොත් එහි ප්‍රතිලාභ ඉබේම කලාකරුවාට ලැබේවි.
ඔබ තෘප්තිමත්ද?
ඔව්... මම කලා ක්‌ෂේත්‍රය තුළ බයත් නෑ.... ණයත් නෑ... මගේ ගමන පාඩුවේ යනවා.... මා කළ යුතු දේ කර තිබෙනවා.
0 comments:
Post a Comment