මැඩෝනාට අතදුන් මාක් සමුගනී

සුප්‍රකට ඩී.ජේ. (DJ) ශිල්පියෙකු සහ ගීත තැටි නිෂ්පාදකයෙකු වූ මාක් කැමින්ස් පසුගියදා මෙලොවින් සදහටම සමුගත්තා. මෙක්සිකෝවේදී ඔහු මිය ගියේ හෘදයාබාධයකින්. මියයන විට ඔහු 57 වැනි වියෙහි පසුවුණා.

මේ DJ ශිල්පියා සුපිරි ගායිකා මැඩෝනාගේ පැරණි පෙම්වතකු බවයි පැවසෙන්නේ. මාක් මිය ගිය පුවත ඇසූ මැඩෝනා බෙහෙවින් ශෝකයට පත්වුණා. “මාක් නොහිටියානම් මම අද ගායිකාවක් නෙමෙයි. සංගීත ක්ෂේත්‍රයට මම ආපු මුල් ම කාලෙදි කාටවත් කලින් මගේ හැකියාවන් හඳුනා ගත්තෙ එයයි. මගේ මුල් ම ගීතය වුණේ ‘එච්රිබොඩි’ ඇතුළත් ගීත තැටිය නිෂ්පාදනය කළේ මාක්. මම එයාට ණය ගැතියි. මාක්, සමාදානයේ සැතපේවා කියල මම ප්‍රාර්ථනා කරනවා” මැඩෝනා විශේෂ ප්‍රකාශයක් කරමින් කියා සිටියා.