රත්මලාන
ගොළුමඩම හන්දිය අසල නිවසක්‌ තුළ රූමත් පාසල් ගුරුවරියක ඊයේ
(17 වැනිදා) සිය දරු දෙදෙනා සමග අබිsරහස්‌ ලෙස පිළිස්‌සී
මියගොස්‌ ඇත.
මෙලෙස මියගොස්‌ ඇත්තේ මොරටුව වේල්ස්‌ කුමරි ජාතික පාසලට
අනුයුක්‌තව සේවය කරමින් සිටි සෙච්තනා සඳමාලි සිල්වා (31)
නමැති මව සමග තුන් හැවිරිදි විජයමුණි ප්‍රභාත් බානුක
සිල්වා සහ මාසයක්‌ වයසැති විජයමුණි ක්‍රිෂාන්ත සඳරුවන්
නමැති පුතුන් දෙදෙනායි.
මියගිය
පාසල් ගුරුවරිය දරු දෙදෙනා සමග කාමරයේ ඇඳ
මත පිළිස්‌සෙමින් සිටින බව ඊයේ පෙරවරු 6.30 ට පමණ
නිවැසියන් දැකීමෙන් පසු වතුර දමා ගින්න නිවා නිවැසියන් ඒ
බව ගල්කිස්‌ස පොලිසියට දැනුම්දී ඇත. පොලිසිය පැමිණ
පරීක්‍ෂා කිරීමේදී පාසල් ගුරුවරිය හා දරු දෙදෙනා නිදා
සිටින ලෙසම පිළිස්‌සී මියගොස්‌ තිබෙන බව දැක ඒ පිළිබඳ
පරීක්‍ෂණ ආරම්භ කර ඇත. මියගිය ගුරුවරියගේ සැමියා රත්මලාන
ප්‍රදේශයේ පිහිටි ප්‍රධාන පෙළේ ඇඟලුම් ආයතනයක කළමනාකරුවකු
ලෙස සේවය කරන අයකු බව හඳුනාගෙන ඇත.
ඔහු බිරිඳ මියගිය කාමරය අසල වෙනත් කාමරයක නිදාගෙන සිට ඇතැයි පොලිස්‌ ප්‍රශ්න කිරීමේදී අනාවරණය වී ඇත.
ඔහු බිරිඳ මියගිය කාමරය අසල වෙනත් කාමරයක නිදාගෙන සිට ඇතැයි පොලිස්‌ ප්‍රශ්න කිරීමේදී අනාවරණය වී ඇත.
ගුරුවරිය මියගිය කාමරයේ තිබී ගිනි පෙට්‌ටියක්‌ සහ ඉටිපන්දමක්‌ ද හමුවී ඇති අතර ගින්න විදුලි කාන්දුවකින් සිදුවූවාද එසේ නොමැති නම් වෙනත් හේතුවක්‌ ද යන්න පිළිබඳව පොලිසිය පරීක්‍ෂණ පවත්වයි. නිවසේ සිටි අනෙක්‌ පුද්ගලයන් විසින් ගින්න නිවන විටත් නිවසේ විදුලිය විසන්ධි නොවී තිබී ඇති අතර ගින්න හටගත් කාමරයේ තිබූ වායුසමීකරණ යන්ත්‍රය හා විදුලි පංකාව ක්‍රියාවිරහිත කර තිබී ඇතැයි මූලික පරීක්‍ෂණවලින් හෙළි වී ඇත.
මියගිය කාන්තාවගේ සැමියා සහ ඔහුගේ මව එම නිවසේ පදිංචිව සිටින අතර කාමර කිහිපයක්‌ වෙනත් අයට කුලියට දී ඇත. ඔවුන් ද ඇතුළු පුද්ගලයන් 25 දෙනකුගෙන් පමණ පොලිසිය ඊයේ ප්‍රශ්න කර තිබිණි.
ගල්කිස්‌ස කොට්‌ඨාස භාර පොලිස්‌ අධිකාරි රවීJද්‍ර කරවිට මහතාගේ උපදෙස්‌ මත මූලස්‌ථාන ප්‍රධාන පොලිස්‌ පරීක්‍ෂක කමල් පුෂ්පකුමාර මහතාගේ මෙහෙයවීමෙන් අපරාධ අංශයේ ස්‌ථානාධිපති එරික්‌ රෝහිත, ගල්කිස්‌ස කොට්‌ඨාස අපරාධ විමර්ශන අංශයේ ස්‌ථානාධිපති කුමාර නලවංශ යන මහත්වරුන් ඇතුළු නිලධාරීහු කණ්‌ඩායමක්‌ මේ පිළිබඳ වැඩිදුර පරීක්‍ෂණ පවත්වති.
0 comments:
Post a Comment